Акоронавирустә ҿкы COVID-19 Аԥсны атәылауаа ԥшьҩык рцәа ишалоу шьақәырӷәӷәахеит лаҵара 8 рзы. Абри атәы аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

Аацҳамҭаҿы иазгәаҭоуп ииасыз уахыки-ҽнаки рыла аҿкы амазааразы агәаҭара ишахысыз 33-ҩык ауаа. Урҭ рахьтә ԥшьҩык акоронавирус рцәа ишалаз шьақәырӷәӷәахеит.

Аҳәаанырцәынтә Аԥсныҟа иаауа атәылауаа зегьы ихымԥадатәу акарантин иахысуеит.

«Иахьазы Аҟәа ақалақь асасааирҭа «Аиҭар» аҟны акарантин рхыргоит 209-ҩык аҳәаанхыҵынтә иааз ҳтәылауаа», – ҳәа адырра ҟанаҵеит аоперативтә штаб.

Агәабзиарахьчара аминистрра: иааиуа амза COVID-19 аҿагылараҿы зегь реиҳа иуадаҩхоит

Хәажәкырамза анҵәамҭазы Аԥсны иалагалаз аҭагылазашьа ҷыда арежим аус ауан мшаԥы 20 рҟынӡа, уи ашьҭахь атәыла аиҳабыра рыӡбарала иара аҿҳәара иацҵамызт. Ус шакәугьы, ауааԥсыра рахь аҳәара ҟаҵоуп аҽыԥхьакра аԥҟарақәа иахьынӡауа ирықәныҟәаларц.

Убасгьы иӡбан Гагреи Гали араионқәа рҟны акоманданттә сааҭ аԥыхзарц. Аԥсны ақалақьқәа зегьы рҿы аџьармакьақәа русура еиҭахацдыркит, мчыбжьык ахь хымш аус руеит. Ашколқәеи, ахәыҷбаҳчақәеи, ауниверситети макьанагьы ишаркыц иаркуп.

Хәажәкырамза анҵәамҭазы Аԥсны иалагалаз аҭагылазаашьа ҷыда арежим мшаԥы 20 рзы иазыԥҵәаз аамҭа хыркәшан. Атәыла аиҳабыра ишырыӡбаз ала, уи аҿҳәара иацҵамызт. Аха ауааԥсыра рахь аҳәара ду ҟаҵоуп аҽыԥхьакра аԥҟарақәа ирықәныҟәаларц.

Иара убас иӡбан Гагреи Гали араионқәа рҿы акоменданттә сааҭ аԥыхзарц. Аԥсны ақалақьқәа зегьы рҿы аџьармыкьақәа русура азин ҟаҵоуп, амала макьаназы мчыбжьык ахьтә хымш роуп аус ахьыруа. Уаанӡеиԥш иаркуп ашколқәеи, ахәыҷбаҳчақәеи, ауниверситети.