Адунеизегьтәи
аԥсуа-абаза
конгресс

Адунеизегьтәи аԥсуа-абаза конгресс Аҵареи, асоциалтә активреи, агәабзиарахьчареи рыҟәша Аԥсны ашколқәа рҿы раԥхьатәи ацхыраара аҭаразы атренингқәа рымҩаԥгара иацнаҵоит. Убас, аспециалист Индира Амҷԥҳа далархәны, изаамҭанытәиу аиԥылара мҩаԥысит Гәдоуҭа араион Оҭҳара ақыҭан. Ари атренинг рҽаладырхәит иара убас Гәдоуҭа араион амца аҽацәыхьчаратә маҵзура аусзуҩцәа Даниил Хагәышьи Мураҭ Лакәиеи.