Апсны апны 22.07.2020 22:25 9988

Апсны апны коронавирус згIва зхьуа гIвыджь шIыцта йгIараутI.

Коронавирус рыхьуата шIыцта гIвыджь гIараутI Апсны апны. Ауи гIархIватI ахаша июль а 22 ауахъ йаласкIьакIьахьата ауагIа коронавирус згIва йачвыхчарала аштаб ауысхагIвчва. Ахабар "Апсныпресс" КъральыгIва хабарргарта агентства йаргатI.

Ахабар гIазхIвауа агIвыра йшанула, Согъвым акъала чымазагIвтара апны йзайъазуз Апсны абзазагIвкI дандырхъвых COVID-19 йымата йгIацIцIтI. РыцIа пасата ауи Краснодар апны йайъазун.

"ЖвамшкI раъара цIуата рпны дангIайх амщтахь ауи даталапIатIахын ачымазагIвтара дщтIарцIатI. Ари асахIат ауи йаъаща тынчта йщаквгылапI (аштаб ауысхагIвчва датшагьи АААК ахабарргарта портал йшгIаддырдырызла, ужвы ачымазагIв айъазагIвчва рылапш дыцIата рпны даъапI – аредакция ррытаразга).

АчымазагIвтара (Согъвым акъала чымазагIвтара – аредакция ррытаразга) апны асанитар-профилактика уысква адыргалитI, ачымазагIв дзабабуз ауагIа гIаддырдыритI", – гIанахIвитI аштаб.

Йара ауи апшта аштаб хабар гIанатитI Апсны дауата ужвыгьи заджвы дчмазагIвыта Швача апны йшщаквдыргылыз.

АгIвыра йшгIанахIвауала, Апсны нхара йгIайыз Армения акъральыгIв йыхьлауа азгIва атагIайщыхIалхта ареспублика чымазагIвтара дщтIарцIатI.

"Ауи ласыта йатахъыз цхърагIара йдрайдзатI. Ауи амщтахь йзаъачва рахIварала ахъацIа Швача дырган ауаъа дандырхъвых COVID-19 шйымаз гIардыртI", – йаныпI агIвыра.

Аштаб хабар аргитI ужвы ари асахIат ареспублика чымазагIвтара апны асанитар нхараква шакIвшауа, ачымазагIв дзабабуз, Апсны дангIатал йгьи дшгIаталыз шгIаддырдыруа.

РыцIа пасата аштаб хабар аргатI июль а 22 йакIвшаз архъвыхраква ргIарбараква уачIвы, июль а 23, ауагIа йшгIарылархIвуш.

ЙгIашвгвалахIыршвахпI: июль а 14 агIан Гвдауыта агоспиталь коронавирус зхьуата йыцIашваз зымгIва гIацIырщтхтI.

Йшалу Апсны апны ари азгIва змата йгIарауыз 40-гIв йнадзитI. Азаджв дпсытI, 37-гIв бзихахтI, заджвы айъазагIвчва йхьпшитI, азаджв Швача дыргатI.

Апсны Республика абзазагIвчва COVID-19 коронавирус згIва йачвыхчарала а-Координация штаб ащаквыргылра ащатала асквш 2020 июль а 20 атшын Апсны Республика апрезидент Бжаниа Аслан Апсни России ркъральыгIва мажа анахъысра-гIахъысра ауысла йщаквгылу ашIакIраква асквш 2020 июль а 28-дза йдрауата Унашва гIайгтI.