Лента событий ВААК
31 Октябрь 2022
31.10.2022 19:11
СогIвым, Апсны Республика
Акуаскиа кыт апны АААК алата каратэла йхътIыз анкъвакъвра акIвшатI.
Апсны Республика каратэла а-Федерация Адуней апсуа-абаза конгрессгьи ацхърагIаран каратэла (кумите WKF) йхътIыз анкъвакъвраква адыргалтI. Анкъвакъвраква Очамчыра район йаланакIуа Акуаскиа кыт апны йакIвшатI. Ауат йрылан Апсны Республика йаланакIуа Очамчыра, Гал йгьи СогIвым районква йгIартыцIыз, пщысквша йгIашIарышвта 14 сквшадза йыртаз, 80-гIв раъара йнадзуз асабикви ачкIвынчви. ЙайгIайыз зымгIва Адуней апсуа-абаза конгресс йазалхта арат анкъвакъвраква рыхъаз йахвгIаз амедалькви акубоккви рырттI. Апсны каратэла а-Федерация апрезидент Демьянов Сергей АААК ЙхIаракIу асовет аунашвачпагIв Эгьзакь Мусси а-Конгресс агвыпи анкъвакъвраква радгалра йъацхърагIаз ахъазла дшырзыразу йхIватI.
0