Апсны апны коронавирус зхьуа шIыцта цгIвы гIараутI. Заъаща хIатлахауа йа йхIатладзахауа ачымазагIвква зымгIва щтIарцIуштI. Ауи апш хабар аргатI ауагIа коронавирус згIва йачвыхчарала аоперштаб.

Ауи ауысхагIвчва йшырхIвауала, уахьчIвала Апсны апны COVID-19 зхьуа 25-гIв йнадзатI. РыцIа паса йшчмазагIву щаквдыргылыз йрыуата жвгIвы Гвдауыта агоспиталь йыцIапI, быжьгIвы рпынква йаъата айъазагIвчва рхьпшитI.

Апсны Республика абзазагIвчва COVID-19 коронавирус згIва йачвыхчарала а-Координация штаб ащаквыргылра ащатала асквш 2020 июль а 27 атшын Апсны Республика апрезидент Бжаниа Аслан Апсни России ркъральыгIва мажа анахъысра-гIахъысра ауысла йщаквгылу ашIакIраква асквш 2020 август а 4-дза йдрауата Унашва гIайгтI. АгIвыма къральква рбзазагIвчва коронавирус шрымхьуа гIазырбауа швъа рымамкIва Апсны йту ръахIыльчва аргванква зны йрызгIай йауаштI.

Пандемия гIаджвыквлищтара Апсны апны зымгIва шалакIу 63 коронавирус рыхьуата йщаквдыргылтI, ауат йрыуата 37-гIв бзихахтI, гIвыджь псытI.