Герзмава Хибла "Исхароузеи" ашва (ажваква: Чачхалиа Кершал / амкъым: Агвмаа Руслан) лхIвауата сынчIва онлайн амальла йакIвшауа апсуа культура афестиваль «Апсны» дгIалалтI.

РыцIа пасата афестиваль апны АААКи «Алашара» жвлара адкIылари агвбайара тынха йазынарху рпроект «Амазара» йауата йапхъахауата йхъырхыз, агIахIвра йгIаквчважвауа авидео гIадырбатI.

«АМАЗАРА» ПРОЕКТ ЙАМАГIНУ АРАЪА ШВАПХЬА ЙАУАШТI >>

Апсуа культура афестиваль 2018-хузи 2019-хузи асквшква рагIан Москва йхътIу ауатыкв апны йакIвшатI. Йапхъахауата «Апсны» фестиваль РФ акъала хъада апны асквш 2018 сентябрь а 30 йакIвшатI, йаргьи Апсны АйгIайри Ахъахвитри гIатнагищтара сквш 25 ъацIуаз йазынархан.
Апсуа культура йауацIыху афестиваль йгIванхауата асквш 2019 июнь а 30 атшын Москва, «Пресня Къапщы» парк апны йадыргалтI.