Суратла йадгалу абаза алфавит: арыпхьара цхърагIага
Абаза бызшва КIавкIаз абызшваква йрыланакIуа апсуа-адгьа гвып йрыуапI. Ауи раргванпI агвхъауа бызшваква, убых бызшва (уахьчIвала адуней йыквхым) йгьи йалкIгIата апсуа бызшва. Абаза бызшва гIвдиалектла йалапI: алитература бызшва щатата йазалыз тапIанта диалект (абаза ажва «ашвуа» йгIахъшахъыцIитI) йгьи щхъарауа диалект (абаза ажва «щхъарауа» йгIахъшахъыцIтI). АуагIа уахьчIвала агIвдиалекткIгьи гIадрысабапитI. Йапхъахауа абаза алфавит гIанзыршаз абаза йгьи агвхъауа гIвгIвы, ауысагIв Тобыль Тольыстан йакIвпI.
ЙауацIыху аэкран аформатла швапшырныс рыцIа йшагъьу швгватра азынахIырхитI*
ЙауацIыху аэкран аформатла швапшырныс рыцIа йшагъьу швгватра азынахIырхитI*
Абаза алфавит абари агIацIщтра джьащахъва зрыхIазырыз ЙуанргIа ФатIими Артури ракIвпI. Суратла йадгалу ари ацхърагIага йызтахъкву зымгIвагьи алфавит хъвмарра квпшыра йтагылата йддырдырныс йырцхърагIитI: абаза алфавит ахIарыфипхьадза пщсатыркI йнадзауа ауысахвыци асурати ацпI. Асуратква асуратгIвгIвы Пол Джонсон йчпатI. Апроект Апсуа-абаза уагIахъа ртшауацIыхра ацхърагIара знархару Адуней адкIылара «Алашара» ацкIрала абзазара йалалтI.