Адунеизегьтәи аԥсуа-абаза конгресс Иреиҳаӡоу Ахеилак ахантәаҩы Мусса Егзакьи, АААК анагӡаратә маӡаныҟәгаҩ Инар Гыцбеи Ҭырқәтәыла иаҭааит лаҵара 5 рзы.

АААК ахада ҿыц Ҭырқәтәылаҟа раԥхьатәи иаҭаара хымш имҩаԥысуан, хықәкы хадасгьы иаман аԥсуа-абаза диаспора аҽрымадара. АААК аделегациа рԥылеит Ҭырқәтәыла иҟоу Аԥсуа культуратә центрқәа Рфедерациа анапхгара, иԥылеит иара убас Ҭырқәтәыла иҟоу Азинмчра нагӡа змоу Аԥсны ахаҭарнак Вадим Ҳаразиа. Уи адагьы, Аконгресс аделегациа адиаспора рхаҭарнакцәа злахәыз еиуеиԥшым аусмҩаԥгатәқәа ирҭааит.