Адуней
апсуа-абаза
конгресс

Адуней апсыуата, абазата йыкву адхIкIылитI

Rus Eng Tur Abk

Abq

Ara

04.06.2021 13:35

Ащамакъа шырчпауа йалыргата йгIахIырбитI

Йбергьльу апсуа суратчпагIв ДжьапIуа Батал. Ауи йакIвпI АААК ахIварала КIавкIаз айсра йаладзкваз рджьабара мшы ахъазла ащамакъа чвахъабага чвамза зчпарныс уыста йызкIыз.

ДжьапIуа Батал йхIвитI «ачвамза апхъала йшырчпуз апш йчпарныс дшащтаз», йаргьи ашардала ауи шгIайдахIвыз.

Джьапуа Батал ачвамза ахъазла амедицина шIахIвага цIагIвква гIайрысабаптI. Ауат рахъва ауырата йрышатI. Апхъазаман агIан ауи ачпара рыцIа йбаргвын. Ауи ахъаз йазалхта бамби гIадырйуан.

Йрышу арахъва ауква йдырчваз ачваба йылырщитI. Зны йангIалущра арахъва быгъчыгъдза йцитI, ауи кIасыжвкIла йуыргIвзра атахъыпI. Арахъва аура шабгула ажвпIара ацапшыта йгьажьхарныс ахъазла ачваба йгIванхауата йылщра атахъыпI.

Ачвамза ду агвы лаба тагылапI – ауи ачваба йылырщыз арахъва аларыша акIвдыршахитI. Ачвамза дудздзата йанырчпуш агвы швъабыгъь багъьа йгIалырхуатагьи йырчпитI – ауи ачвамза йацблитI.

Рахъвата зъара акIвуыршуш ачвамза агвы гьажьырата йаму йгIаквухитI. Ауи рыцIа йтIашвызтын гвынгIвырапI рахъватагьи рыцIа щарда шагуш.

Ачвамза йацапшыта, тамамта йалаупара ахъазла ащапIы агьажьыра тшацчпара атахъыпI: ауи агьагьара йшгIайуа пщбата йушитIта аурала ачIвагъвараква гIалугитI.

Ащамакъа щъакI йыквдыргылуан, ауи кIьыдата амшIы йгIалырхуанта йырчпун. Ащъа хщапIыкI ацIагылан, ауи зчпуз ахъачваква ракIвын. Йара ачвамза алапара пхIвыс «цкьа» наскIьахьакI йлызхъарцIун.