Атурых
Щарда мцIуата СогIвым йаъу а–Конгресс ауысхарта апны йхIысасын йбергьльу конкурла аспортсменква Симониа Харлами Натальйи. Ауат рбзазара йгIалху, спорт йалищтара йзынйаз агIаншараква, рылахь апны йыззымпшуаз арыхъвартаква йрыквчважватI, айгIайра йазцауата апрагылаква йшырхъысуаз гIахIархIвтI. Ауи айчважвара йгIалцIтI ари агIвыра. Ауи дафыр хъадапI конкурла дуней класс зму спорт амастер, СССР апны пщын йчемпионхаз, гIван СССР а-Кубок гIатызгаз, СССР аспорт амастер, Апсны Республика апны гIатгара зму абжьагIвы, «Ахьдз-Апша» орден III астепень гIазквнадыргаз Симониа Харлам.
Апсуа режиссер дангIадрийыз амш йадахIвуата АААК хабарргарала ахъвшара ауи йбзазари йыршIыйари йгIарыквчважвауа гIвыра арыхIазыртI.
АуагIа ргвы абайара гIаузырбауа ачIвыйа? Рыбызшва, рцIасква, ркультура. ЙгIацхIцIапI араъа абанпараква йамырдауамца йгIамгIвайсуа, ауагIа сабап рызгIаугуа йгьи йуыргвыргъьауа уыршIыйарныс лшара гIауызтуа анхараква. «Йбзу ъачIвагIа» – Адуней апсуа-абаза конгресс йапроект шIыцпI. АгIатраква рабаркIыра ацIасква шымдзуаш, хIуыжвгIанчIви культура йахъвыкIта йшаъазлуш апшта знапIквала йацхърагIауа анхагIвчва ъазаква йгIарыквчважвуштI. Швара аъачIвагIаква ртурыхи рымадзакви рыцIа цIолата йыжвдыруаштI, йалныс ауыпI шваргьи ауатква швзычпузтын швапшныс гIашвтахъхарнысгьи.
Жəабран (жвабран) – сквшыкI апны зны – Ачгара ду апхъала – йдыртлапIауа гвыргъьахъвпI. Ауи ацIас ащайдзаква хIуагIа рапхъанчIви гIамта йгIаджвыквылитI.
Апсуа литература ащатащтIацIагIв, ауагIа руысагIв, апхьахьа Гулиа ДырмытI дангIадрийызищтара сквшы 150 ъацIуа йадахIвуата АААК Гулиа Д.И. йымчыбыжь джвыквнацIитI. Ансимшы хIара агIвгIвы йбзазари йыршIыйари йгIарыквчважвауа агIвыраква швзынатахIцIуштI. Асоцсетьква рпны хIбгъьыцква швырпшла – джьащахъвара щарда швауаштI.
Декабрь а 28 йбергьльу азъазарадырыгIв, ажвлара уыснкъвгагIв Аджьынджьал Боча Маджьид йпа дйытI.
АААК хабарргарала ахъвшара йарыхIазырыз, аскульптор йгьи асуратчпагIв Адлейба Амиран йбзазари йыршIыйари йгIарыквчважвауа абзагIвра швапхьарныс йшвзынатахIцIитI.
Апсны ауагIа р-Абашта айсра зтахъырала йалаз айсчва – ачIвыйа ауат адызкIылуаз, АйгIайра апны ауат ралацIара шпаъу, айсра ауат рылахьква шпапсах? АйгIайра асквш 30 йадахIвуата хIара «Агвы азшIытрала» ахьызта натра хIрыхIазыртI, ауаъа АйгIайра гIазраргваныз, абзира йащтаз ауагIа хIгIарыквчважвитI.
Апсны ауагIа рартист, акиноактер КIвакIваскьыр Томас дангIадрийыз амш йадахIвуата АААК ахабарргарта портад ауи йбзазари йпхыцIи йгIарыквчважвауа абзагIвра арыхIазыртI.