АгIаншараква
АкъральыгIва йгьи ажвлара уыснкъвгагIв, абзихагIв, Адуней апсуа-абаза конгресс ЙхIаракIу асовет аунашвачпагIв Эгьзакь Мусса йгIаджвыквицIаз агуманитар проект апкъ йтата Донецк УагIа Республика йауу жвибжьыгIв апхьагIвчва Алагъь къала хъада йгIайтI. Йшалу йгIауахвырквын Санкт-Петербург Донбасс йауата саби 300-гIв райхIа гIаргра ргвыгъапI.
Адуней апсуа-абаза конгресси адрамтеатри Айкьангьашырта клуб анхара атаджвыквырцIахтI. «Атеатри апшгIви» проект йаланакIуа йапхъахуз анйара Чехов й-«АчIныш» ангIадырба амщтахь йакIвшатI. АпшыгIвчва аргылчIв хвы аквырцIатI, ргвгIанаграква абархIвтI, уыззнархъвыцуа гIалыркIгIатI.
Апсны ажвлара хабарргагаква рынхагIвчва рымш Апсны Республика Ажурналистква радкIылара аунашвачпагIв йгьи «Абаза‑ТВ» адиректор Хашиг Руслани хIари хIайчважвара гIатахIцIитI. ХIтурых апны магIны змаз агIамтаква, айсра асквшква йырзынарху агIагвалашвахраква, Ардзынба Владислав йыцынхара, уызхъыс йамуаш журналистика ахабзаква йгьи аъачIвагIа йапщылу архъвыхраква хIрыквчважвитI «Гәыкала» анатра шIыц апны.
Тамыщ аквтанай апхьарта апхьагIвчва 30-гIв райхIа Чанба С. йыхьыз зхъу Апсуа къральыгIва драма театр йаъан. Ауат ауаъа «ХъвлапныкI атеатр апны» арыпхьара проект дырхъйауата йыргатI.