Ахҭысқәа
Ихацҳаркуеит апроект ҿыц «Гәыкала» — аинтерес зҵоу ауаа рыҿцәажәарақәа. Урҭ — иаҳзеиҧшу апроектқәеи аиҩызареи рыла ҳзыдҳәалоу уаауп. Уажәазы дсасны даҳҭан аҵарауаҩ-абызшәадырҩы, адипломат, ауаажәларратә усзуҩы, АААК Иреиҳаӡоу ахеилак алахәҩы Виачеслав Чрыгба. Аҭҵаарадырреи адипломатиеи, аҧсуа бызшәа аиқәырхара иацу ауадаҩрақәа, адунеи ахы-аҵыхәа дакәшаны иибахьоу, уамашәа иубаша ауаа рыҿцәажәара, амилаҭ аидкылараҿы АААК иааннакыло аҭыҧ, уҳәа убас егьырҭ атемақәа - «Гәыкала» раҧхьатәи аҭыжьымҭаҿы.
РАН антропологиеи аетнографиеи рмузеи (Кунсткамера) аиҳабы Андреи Головнев иҭҵаарақәа рызкуп абаза ҧышәа ҿырҧштәыс иҟаҵаны, амилаҭра аҭҵаара.
Аҭыҧантәи ахаҭарнакрақәа аус рыцуразы АААК аҟәша аҵаратә шықәса ҿыц азы еиҭахацнаркит апроект «Аимадара». Апроект аҩбатәи аетап аҿы раҧхьаӡа акәны рхы аладырхәит Тәанаархәытәи абжьаратә школ аҵаҩцәа.
Адиспансеризациа иазку апроект аҳәаақәа ирҭагӡаны, 100-ҩык инареиҳаны Уарчатәи ашколхәыҷқәа акомплекстә ҟазшьа змоу амедицинатә гәаҭара иахысит.
Ауаажәларра-политикатә усзуҩы, азиндырратә ҭҵаарадыррақәа рдоктор, апрофессор Тарас Шамба игәалашәара иазкыз II-тәи Жәларбжьаратәи аҭҵаарадырра-практикатә конференциа мҩаҧысит Аҧснытәи аҳәынҭқарратә университет аҿы.
Адунеизегьтәи аҧсуа-абаза конгресси Аҿари аспорти русқәа рзы Аҧсны аҳәынҭқарратә еилаки ашколхәыҷқәа рзы еицымҩаҧыргоит асоциалтә проектҟаҵара ашьаҭақәа ирызку апроект аҳәаақәа ирҭагӡоу аҧшьбатәи атренинг.
Раҧхьаӡа акәны, Аҧсны имҩаҧысит аҧсуа милаҭтә хәмарра «Аимҵакьачара» иазкыз ареспубликатә жәларбжьаратәи аицлабра.
Жәларбжьаратәи аидгылара «Алашара» апрезидент, Адунеизегьтәи аҧсуа-абаза конгресс Иреиҳаӡоу ахеилак ахантәаҩы, Ҟарачы-Черқьесиатәи ареспублика Жәлар реизара ахантәаҩы ихаҭыҧуаҩ Мусса Хабал-иҧа Егзакь Ҭырқәтәыла аҩызахара иазку Аилазаара дапрезидентхеит.
Ашколқәранӡатәи аҵарадырра иадҳәалоу апроблемақәа ирызкыз ҩымштәи аинтенсив мҩаҧган Гагра араион ахәыҷбаҳчақәа рааӡаҩцәа рзы.
200-ҩык инареиҳаны алахәцәа, 17-ҩык аҧхьахәгаҩцәа, аицлабратә ритм, ухызхуа агәалаҟазаара - абар, уажәшьҭа хынтәуп Аҟәатәи аӡсара уи аспорт хкы иазҿлымҳау ауаа еиднакылоижьҭеи.