Амазара
Адунеизегьтәи аԥсуа-абаза конгресси ИАЕ «Алашареи» рыпроект «Амазара» аԥсуа-абаза жәлар рдоуҳатә-культуратә ҭынха ахьчара иазкуп. Аидеиа авторс дамоуп АААК Иреиҳаӡоу ахеилак ахантәаҩы Мусса Егзакь. Апроект хықәкыс иамоуп ҳажәлар рдоуҳатә-культуратә ҭынха аиқәырхареи аларҵәареи ҳаамҭазтәи аинтернет-технологиақәа рхархәарала.
Аԥсуа кәалӡы иазку акиносахьа ҭыхын Адунеизегьтәи Аԥсуа-абаза конгресси (АААК) аԥсуа-абаза жәлар иматериалтәым рҭынхазы аиҿкаара "Алашареи" рыпроект "Амазара" аҳәаақәа ирҭагӡаны.
Асахьаҭыхцәа хәыҷқәа русумҭақәа 60 цәырган Аҟәа, Аԥсуа дараматә театр аҿаԥхьа рашәара 1 азы. Араҟа еидкылан Очамчыратәи ашкол-интернат асахьаҭыхратә кружок иалоу ахәыҷқәеи пицундатәи астудиа «Art.Vabaga» аҵаҩцәеи рҭыхымҭақәа. Дара зегь темак еиднакылон – «Аԥсуа жәлар рашәақәа».
Аԥсуа жәлар рашәақәа ирызку Мадина Аргәын лфильм иахәаԥшыз асахьаҭыхцәа қәыԥшқәа рцәыргақәҵа мҩаԥысит Аҟәа Ахәыҷқәа рыхьчара жәларбжьаратәи амш азы.
Аԥсуашәа иазку адокументалтә фильм ҿыц раԥхьатәи арбара мҩаԥысит Аҟәа, иара ҭыхуп аԥсуа-абаза жәлар рдоуҳатә-культуратә ҭынха иазку АААК апроект «Амазара» аҳәаақәа ирҭагӡаны.
Аԥсуа-абаза жәлар рмилаҭтә-культуратә ҭынха ахьчара иазынархоу Адунеизегьтәи аԥсуа-абаза конгресси ИАЕ «Алашареи» рыпроект «Амазара» аҳәаақәа ирҭагӡаны иаԥҵоуп даҽа фильмкгьы – уи аԥсуашәа иазкуп. Афильм арежиссиорс, асценаристс дамоуп Аԥсны зҽаԥсазтәыз артист, Самсон Ҷанба ихьӡ зху Аԥсуа драматә театр арежиссиор Мадина Аргәын.
Аԥсуашәа иазку адокументалтә фильм ҿыц ала иацҵахеит Адунеизегьтәи аԥсуа-абаза конгресси ИАЕ «Алашареи» рыпроект «Амазара», уаанӡа ишаҳҳәахьоу еиԥш, уи аԥсуа-абаза жәлар рдоуҳатә-культуратә ҭынха аиқәырхара хықәкыс иамоуп. Афильм аԥҵаҩцәа еиҭарҳәеит уи аус адулара шымҩаԥысуаз.
Абаза ҳәызбақәа ирызку адокументалтә фильм ала иацҵахоит аԥсуа-абаза жәлар рдоуҳатә-культуратә ҭынха иазку Адунеизегьтәи аԥсуа-абаза конгресси ИАЕ «Алашареи» рыпроект «Амазара».
Абаза ҳәызбақәа ирызку адокументалтә фильм ала иацҵахоит аԥсуа-абаза жәлар рдоуҳатә-культуратә ҭынха иазку Адунеизегьтәи аԥсуа-абаза конгресси ИАЕ «Алашареи» рыпроект «Амазара».
Адунеизегьтәи аԥсуа-абаза конгресси аилазаара «Алашареи» аԥсуа-абаза жәлар рдоуҳатә мазара иазкны ихацдыркыз апроект ҿыц иацнаҵоит аԥсуа жәлар рашәа «Нарҭаа рышьҭыбжь», О. Хәынҵариа ихьӡ зху аҳәынҭқарратә орекстр ари ашәа шынаргыӡо авидео ианҵоуп.