Адунеизегьтәи
аԥсуа-абаза
конгресс

«Гәыкала» дсасны даҭоуп Аҧсадгьыл ахь архынҳәразы аҳәынҭқарратә еилакы ахантәаҩы ихаҭыҧуаҩ Асҭамыр Багаҭелиа.

Аинтервиу аҿы ҳрылацәажәоит аусбарҭа аусура ахырхарҭа хадақәа, АААКи аҳәынҭеилаки еицырзеиҧшу аусмҩаҧгатәқәа, иара убасгьы еилаҳкаауеит ҳасас аусура игәазырҧхо.

Адунеизегьтәи аҧсуа-абаза конгресс ахаҭарнакцәа рхы аладырхәит Аҧсны Аҳәынҭқарра Аиааиреи Ахьыҧшымреи 33 рхыҵра аҳаҭыр азы ашәҭшьыҵәрақәа рышьҭаҵара ацеремониа.

Аконгресс агәыҧ Аҧсадгьыл ахьчаҩцәа ргәаларшәаны, ашәҭшьыҵәрақәа шьҭарҵеит Аҧсны Жәлар Рџьынџьтәылатә еибашьраҿы иҭахаз рбаҟеи Аҧсны Аҳәынҭқарра Раҧхьатәи Ахада Владислав Арӡынба ибаҟеи рымҵан.

АААК агәыҧ ашәҭқәа шьҭарҵеит Ахьӡ-аҧша Апарк аҟны игылоу иҭахаз рбаҟа амҵан.

1993 шықәса цәыббрамза 27 аҧсуа еибашьцәа ацәыӡқәа шроузгьы аӷа иааирҧшуаз аҿагылара иаиааины Аҟәа ахы иақәиҭыртәит. Ари ахҭыс анаҩсан хара имгакәа аҧсуа еибашьцәа ақырҭуа мпыҵахалаҩцәа Аҧсны иахырцеит.

Ҳаҭыр зқәу аиашьцәеи аиаҳәшьцәеи!

Иахьа – Аҟәа ахақәиҭтәра иамшуп.

33 шықәса раҧхьа Аҧсадгьыл ахьчаҩцәа рфырхаҵареи рӷьеҩреи ирыбзоураны аҳҭнықалақь ахы иақәиҭыртәит, Аиааира амш ааигәартәит. Кашәара ақәымзааит зыҧсадгьыл зхы ақәызҵаз, актәи амшқәа инадыркны Аҧсны Аиааира агәра згоз аҵеицәа рыхьӡ.

Иахьа Аҟәа ҧхьаҟа иҧшуеит, аҿиара иаҿуп, ахаҿра аҧсахуеит, аха аҳҭнықалақь ахы иақәиҭызтәыз ргәалашәара наунагӡа аҭоурых аҿы хьтәы нбанла ианызаауеит.

Аҟәа ауаажәлари Аҧсны иқәынхо зегьи ишәзеиӷьасшьоит аҭынчра, агәабзиара, аихьӡара дуқәа!