Амультимедиа
Адунеизегьтәи аԥсуа-абаза конгресс Иреиҳаӡоу ахеилак алахәцәа апандемиа аамҭазы АААК аусура иалацәажәеит.
Адунеизегьтәи аԥсуа-абаза конгресс имҩаԥнагеит ақыҭақәа Ԥақәашь, Река, Баслахә, Акәасқьа, Гәыԥ ахәыҷқәа рзы аныҳәа.
Адунеизегьтәи аԥсуа-абаза Конгресс Ахәыҷқәа рыхьчара жәларбжьаратәи амш аҽны Аҭара ақыҭан ахәыҷтәы ныҳәа мҩаԥнагеит.
АААК Кавказтәи аибашьреи ахҵәареи ирылаӡыз ргәалашәара амш азы Аҟәа агәаларшәагатә усмҩаҧгатәқәа еиҿнакааит.
АААК Кавказтәи аибашьреи ахҵәареи ирылаӡыз ргәалашәара амш азы Аҟәа агәаларшәагатә усмҩаҧгатәқәа еиҿнакааит.
XIX-тәи ашәышықәсазтәи атрагедиатә хҭысқәеи 1817-1864 шықәсқәа рзтәи Кавказтәи аибашьреи ирылаӡыз ргәалашәара аҳаҭыразы Гиульџьан Алҭани Гәыльшах Саргыни инарыгӡеит амҳаџьырцәа ргарашәа "Шьышь-нани", Аԥсны жәлар рпоет Баграт Шьынқәба иажәеинраалала иаԥҵоу. Абри агарашәа ажәлар зҭагылаз арыцҳара ду амузыкатә символны иазыҟалеит аибашьра ашықәсқәа раан, нас уи ашьҭахьгьы.
АААК аинформациатә портал еиднакылеит зегь реиҳа иԥшӡоу Аԥснытәи ааԥын афотосахьақәа.
АААК акоронавирустә пандемиа иахҟьаз аҭагылазаашьаҿы ауадаҩрақәа зызцәырҵыз арепатриантцәа рҭаацәарақәа фатәы-жәтәыла ирыцхрааит. Иааидкыланы ацхыраара рырҭеит 126-ҩык ауаа, урҭ рахьтә гәыԥҩык Аконгресс аҟынтә ацхыраара аиуразы уаанӡа аҳәара ҟарҵахьан.
Зҽаԥсазтәыз рартист, амузикатә гәыԥ "Непара" асолист Александр Шьоууа исоциалтә ҳақәа рҿы ицәыригеит иашәа ҿыц "Аӷа уара дуӷроуп" апремиератә клип. Амузика автор - Александр Шьоууа, атекст - Михаил Ишаев (Mishel Dar). Авидео аҟны иаарԥшуп адунеи еиуеиԥшым ақалақьқәа рхаҿра аҽшеиҭанакыз, амҩадуқәа ҭацәкакараӡа, убас егьырҭ апандемиа ахҟьа-ԥҟьақәа.
Иналукааша аԥсуа сахьаҭыхҩы Леуарса Быҭәба диижьҭеи 60 шықәса ахыҵра инамаданы Адунеизегьтәи аԥсуа-абаза конгресс апортал ишәызнархиеит реиҳа еицырдыруа иусумҭақәа реизга.