Аԥсны
Апилоттә ҭыҵра рхы аладырхәит Џьырхәеи Хәаԥи ақыҭақәа рҟынтәи аҵаҩцәа. Ахәыҷқәа рзы абааҿы имҩаҧыргеит ахҳәаатә екскурсиа, еиларыгӡеит атеориеи зыԥсы ҭоу аҭоурыхи.
Адунеизегьтәи аҧсуа-абаза конгресси адраматә театри Адискуссиатә клуб аусура еиҭахацдыркит. «Атеатри ахәаҧшҩи» зыхьӡу апроект аҳәаақәа ирҭагӡаны раҧхьатәи аиҧылара мҩаҧысит Чехов испектакль «Аҷныш» арбара ашьҭахь. Ахәаҧшцәа аспектакль иалацәажәеит, ргәаанагарақәа еибырҳәеит, изхәаҧшыз аҵакы иазхәыцит.
30-ҩык инареиҳаны Тамшьтәи абжьаратә школ аҵаҩцәа аҭааит С.Ҷанба ихьӡ зху Аҧсуа драматә театр. Аусмҩаҧгатә еиҿкаахеит арҵаратә проект «Атеатр аҿы ахәылҧаз» аҳәаақәа ирҭагӡаны.
АААКи ааҧхьара зауз аекспертцәеи апроект хыркәшауа азанааҭалхратә тренингқәа мҩаҧыргеит. Ашықәс иалагӡаны апроект рхы аладырхәит Аҧсны ақыҭақәа фба рыҟнытә 100-ҩык инареиҳаны аиҳабыратә классқәа рҵаҩцәа.