Апсны апны
Адуней апсуа-абаза конгресси адрамтеатри Айкьангьашырта клуб анхара атаджвыквырцIахтI. «Атеатри апшгIви» проект йаланакIуа йапхъахуз анйара Чехов й-«АчIныш» ангIадырба амщтахь йакIвшатI. АпшыгIвчва аргылчIв хвы аквырцIатI, ргвгIанаграква абархIвтI, уыззнархъвыцуа гIалыркIгIатI.
Тамыщ аквтанай апхьарта апхьагIвчва 30-гIв райхIа Чанба С. йыхьыз зхъу Апсуа къральыгIва драма театр йаъан. Ауат ауаъа «ХъвлапныкI атеатр апны» арыпхьара проект дырхъйауата йыргатI.
АшIыпIа хъвшараква рыцынхарала Адуней апсуа-абаза конгресс ахъвшара апхьагIвчва ар йазрыхIазыррала апроект шакIвшаз йалачважватI.
Адуней апсуа-абаза конгресс псабарахчарала апроект дырхъйауата Пицунда-Мюссера заповедник апны кьашвай шIа 260 ларцIатI.
Анкъвакъвраква ххъвыкIта йакIвшуштI йгьи Апсны акытквакI гIарыларкIуаштI.
Апроект ари пщынхауата академ ашвахIвагIвчва, гIатгара зму артистква, амузыка апхьартаква рсолистква, аколледжкви йхIаракIу апхьартакви рстудентква аднакIылтI.
АААКи Ростов шта йаланакIуа Каменск-Шахтинский къала йауу хъахIара гIагра мурад змам «Асоциал гIаджвыквцIараква рыжвлара квта» адкIылари Россия Федерация апрезидент грантква р-Фонд ацхърагIарала йацдырхъйуз йауацIыхыз апроект шакIвшаз йалачважватI.
Зхабар дута йгаз абалетмейстер йгIайыквчважвауа абзазара йгIахъыху афильм Гвымба Ражден йыхьыз зхъу Апсны акъральыгIва филармония апны йгIадырбатI.