Европа
Декабрь мыз ауацIа а-Конгресс ауысхагIвчва гвып хъвдаквцIара дырхъйауата апсуа-абаза диаспора ъабзазауа Мараташварта Европа йгIакIвшан Германия апны АААК ашта хъвшара агIахътIрала рынхара уысква йрылгатI.
Арат амшква Мараташварта Европа йаъу АААК ауысхагIвчва ргвып уыста йрыхъвдакву рырхъйара апкъ йтата Бельгия апны а-Конгресс ашта хъвшара шIыц гIахъыртIытI.
Арат амшква а-Конгресс ауысхагIвчва гвып Голландия нхара уысла йаъата Нидерланды апны шIыцта АААК ашта хъвшара гIандыршатI.
Великобритания апны а-Конгресс ахъвшара шIыц гIандыршан АААК ашта хъвшараква рпхьадзара йаланархIатI.
Апсны йауу ахIаракьатчпагIвчва Кортава Астамури Хьюитт-Кортава Гунди бзазара Великобритания йцахын ауаъа тгIачвала бизнес джвыквырцIатI. Ауат йырчпауа аджьыкIа Англия ахвгIагIвчва йаквнагауа хвы аквырцIатI.
Лондон акультура квта апны Апсны йауу астудентка апсыуа бызшвала йалрыпхьауа агвып 20-гIвы райхIа йнадзитI