Анацәеи абацәеи рыклуб
Анацәеи абацәеи рыклуб хықәкыс иамоуп – анацәеи абацәеи ахәыҷааӡараҿы рдыррақәа реизырҳара аганахьала аусура, еиуеиԥшым аонлаин-школқәа рҿы аҵара дырҵара. Абри зегь зызку – зхәыҷқәа рзы аԥсҭазаара бзиа иашьҭоу анацәеи абацәеи џьарак реидкылароуп. Ахәыҷы дызҳацыԥхьаӡа аҭаацәара рҿаԥхьа еиуеиԥшым ауадаҩрақәа цәырҵуеит, усҟан аспециалист ицхыраара уҭаххоит, ма уи аетап иахысхьоу аиҳабацәа рҟынтә абжьагажәа уаҳар акыр иухәоит.
АААК Анацәеи абацәеи рыклуб аҩбатәи аиԥылара мҩаԥысит Гагра. Уажәазы иззааҭгылаз теман ахәыҷы изҳараҿы дызхысуа акризисқәа, иара убас анацәеи абацәеи рыхшареи реизыҟазаашьақәа шышьақәыргылатәу.
АААК еиҿнакааз Анацәеи абацәеи рыклуб аҟны имҩаԥысит Аԥсны абжьаратә ҵара аиҿкаашьа иазку даҽа еиԥыларак.
Адунеизегьтәи аԥсуа-абаза конгресс изаамҭанытәиу Анацәеи абацәеи рыклуб аилатәара мҩаԥнагеит Гагра. Аиԥылара иалахәын ахәыҷқәагьы.
Адунеизегьтәи аԥсуа-абаза конгресс иаԥнаҵаз Анацәеи абацәеи рыклуб акыраамҭа еиԥҟьаны иҟаз аусура еиҭахацнаркит. Аиԥылара ҿыц темас иаман Аԥсны ашколтә ҵара аиҿкаашьа.
АААК иатәу Анацәеи абацәеи рыклуб аиԥыларахь експертцәас ааԥхьара рырҭеит Елена Кәабахьиеи Анетта Бганбеи, дареи аклуб алахәцәеи алацәажәон ахәыҷқәа реизҳара азҵаара.
Анацәеи абацәеи рыклуб хәажәкырамзазы раԥхьатәи аиԥылара темас иаман ахәыҷқәа рааӡараҿы аиҳабыратә абиԥара рольс иааныркыло, иара убас иахьатәи ҳаамҭазы ааӡашьа аганахьала иҟоу азнеишьақәеи.
АААК Адискуссиатә клуб аҟны иаԥҵоу Анацәеи абацәеи рыклуб иацнаҵоит апсихологцәа-аекспертцәа рԥыларақәа. Жәабран 22 рзы имҩаԥысыз аиԥылара сасыс даҭааит апсихолог Елана Кортуа, излацәажәаз теман – анацәеи абацәеи ирызцәырҵуа аемоционалтә гәылблаара.
АААК Адискуссиатә клуб иатәу Анацәеи абацәеи рыклуб аҟны иацҵахеит ахәыҷқәа рааӡара аганахьала аекспертцәа рԥыларақәа. Убас, жәабран 8 рзы имҩаԥысыз аиԥылара дсасны даҭааит акоуч Асҭанда Саӡԥҳа, темас излацәажәазгьы – аԥызацәа рааӡароуп.
АААК Анацәеи абацәеи рыклуб имҩаԥнагеит аҭаацәаратә психологиа ахырхарҭала еицырдыруа специалистцәас иҟоу Ричарди Оксанеи Коннераа рԥылара.