Лента событий ВААК
Аҿари аспорти русқәа рзы Аҧсны Аҳәынҭқарратә еилакы аҟны имҩаҧысит аспортсменцәа рҧылара
Аҿар рыҿиареи абаҩрҵәыреи рзы АААК аҟәшеи аҿари аспорти русқәа рзы Аҧсны Аҳәынҭқарратә еилаки имҩаҧыргеит IX Абаза жәлар рыхәмаррақәа ирылахәхараны иҟоу аспортсментцәа рҧылара.
АААК аусзуҩцәа Валери Берзениеи, Есма Кәыҵниаҧҳаи, Аҳәынҭеилакы ахантәаҩы Ҭарашь Ҳагбеи аделегациа иалахәу ирызцәырҵыз азҵаарақәа ирылацәажәеит, иара убасгьы аспортсменцәа ақәҿиарақәа рзеиӷьаршьеит. Иааидкыланы, ахәмаррақәа ирылахәуп 37-ҩык Аҧснытәи аспортсменцәа.
Абаза жәлар рыхәмаррақәа - ари Ҟарачы-Черқьесиатәи Ареспублика абаза қыҭақәеи Аҧсни ргәыҧқәа злахәу аспорттә еицлаброуп.
2024 шықәсазы, ахәмаррақәа мҩаҧысуеит Ҟарачы-Черқьесиатәи ареспублика, абаза араион, Аҧсуа ақыҭан.
Акультура-спорттә фестиваль мҩаҧысуеит ҧхынгәымза 21-23 рзы. Уи шьақәгылазаауеит ҩ-хәҭак рыла: Абаза жәлар ркультура Амши абаза жәлар рыхәмаррақәеи рыла.
Акультура Амш ишаҧу еиҧш, иазгәарҭоит ҧхынгәымза 23 - Аҧсны Аҳәынҭқарратә бираҟ Амш аҽны.
Афестиваль аҿы зегьы реиҳа илахҿыху, аинтерес зҵоу ахҭысқәа шәрыцклаҧшла Аконгресс аофициалтә саити асоциалтә ҳақәеи рҟны.
