Апсуа суратгIвгIвы ду Бутба Леварса хIызтагылу азаман агIан дбзазун йгьи дынхун: ауи асквш 1960 февраль а 21 атшын дйытI, асквш 2007 агIан йбзазара далцIтI.
АсуратгIвгIвчва ъазаква йшырпхьадзауала, Леварса йынхараква анахьанат рчIвква йрапшымкIва рчпащала йуызгIалкIгIитI.
АсуратгIвра абзибагIвчва Бутба йыхьыз ргвы йызлагIатахаз Согъвым йгIахъихта, НартргIа рэпос йгIалихта, апсабара йгIахъихта йгьи датша тема щардала йгIанйыршаз атурасы лашараква ракIвпI. Ауи йсуратква «Ащымта», «АцIис», «Ахъвлапын», «Европа агIагъычра», «Афродита лыйра», датшагьи щарда Апсны йахъазымкIва адуней шабгу разкIкIра хьапщ йахъвыпI.
Апсуа суратгIвгIвы йынхараква Америка, Франция, Германия, Италия, Россия, Трыквшта, Япония, Швейцария рпны йгIадырбатI. Йсуратква рщарда адуней акъральква рпны ахъатачIв азкIкIраква йрылата йынкъвыргитI. Бутба йыршIыйара гIарбапI Апсны акъральыгIва сурат галерея апынгьи.
швталра йа тшаншвцIара атахъыпI.