«Алашара» Дуней адкIылара апрезидент, Адуней апсуа-абаза конгресс ЙхIаракIу асовет аунашвачпагIв, КъЧР АуагIа Райззара аунашвахъцIагIв йтарагылыгIв Эгьзакь Мусса ХIабальа йпа Трыквшта айгварала ащтаныкъварала Ажвлара дапрезидентхатI.
Мусса ХIабальа йпа дйайхIвахIвуата сальамшвъа йзыгIайыгIвтI Дуней ацынхарала Россия адкIылара (РАМС) а-Генеральна секретарь Полозков Владимир Михаил йпа.
Владимир Михаил йпа йгIаликIгIатI ари аъанатIа йымата Мусса ХIабальа йпа Айгвара Ажвлара анхара надзара шIыц айтырныс шйылшуш, ауи России Трыквшти разазаъащаква зымгIва шалакIу ртшауацIыхра йшахъвуш.
Санкт-Петербург апны йгIаныршу Трыквшта айгварала ащтаныкъварала Ажвлара (СПбОДТ) атурых ахъа асквш 2001 июнь агIан йгIаджвыквылитI. Ауи агIан Фонтанка адзытшпурам йгылу «Айгвара Атдзы» апны «Россия-Трыквшта» айгвара Жвлара гIаныршара йагIаджвыквцIагIвхаз агвып йапхъахауата йайззатI. Ауи агIан адгалра уысла йапшым абаргвыраква йгIарылцIла ажвлара гIандмыршазтынгьи йара ауи асквш 2001 июнь агIан «Трыквшта – амакъымква рпны» фестиваль йапхъахауата йакIвшатI, ауи йащтагIайтI асквшква 2002 йгьи 2004 рагIан йакIвшаз ужвыгьи гIвба. Трыквшта айгварала ащтаныкъварала Санкт-Петербург Жвлара гIаншата йанырпхьадзауа асквш 2007 август а 23 – Ажвлара аустав андрыбагъьа – акIвпI. СПбОДТ йаквнагауа ахвитнагIаква абгата йамата Дуней ацынхарала Санкт-Петербург АдкIылара йалапI. Ажвлара апахь хачIвыта йаргылитI России Трыквшти рыжвлараква рабадырра щаквыргылра йгьи йацкIра, нхарали гуманитар уысли агIвкъралькI ращтаныкъвара рыбагъьара.
швталра йа тшаншвцIара атахъыпI.