Абашта айсра Ду агIан йгIатыргаз АйгIайра йахъыцIуа асквш 74 Апсны апны Зыхьыз бергльльым айсыгIв йчвахъабага син хIврапшдза азыщтIарцIауата, айсчва рпарадла, архъа мацIауыртала йгьи «Аджьаль змам аполк» акцияла йдыртлапIатI.

Май а 9 атшын Апсны йартлапIатI ХХ асквшышв агIан рыцIа йщарычIвараз айсра – асквшква 1941-1945 рагIан йакIвшаз Абашта айсра Ду – апны йгIатыргаз АйгIайра Амш. Ареспублика шабгу апны агвыргъьахъв алалраква акIвшатI, рахIа уагIа щардагIв тшъазыркIкIыз акъала хъада апны акIвпI.

Щымтадза йалаган ауагIа айсра йаладзкваз хвы рыквырцIауата Зыхьыз бергьльым айсыгIв йчвахъабага син адзхъа йайззауа йалагатI. АсахIат а 11 ачвахъабага хIврапшдзи хIврапшдза алапи азыщтIацIара джвыквырцIатI. Ауи йалан ареспублика а-Президенти аунашвахъцIарта йалаквуи, апхьагIвчва, астудентква, акъала абзазагIвчва, Согъвыми Апсни рысасква.

Абашта айсра Ду агIан йгIатыргаз АйгIайра Амш – май а 9 – ансисквша Россия йахъазымкIва Совет Союз йгIаланакIуаз анахьанат аштаква рпынгьи датша къраль щарда рпынгьи йдыртлапIитI. Абашта айсра асквшква рагIан апсынчIвыла йтыцIын афронт йпшцIалтI зкьы 55-гIв райхIа, ауат йрыуата 15500-гIв апсыуан. Айсра афронтква рпны йайсытI абазатагьи 3000-гIв райхIа.

Ауи ауысла йауацIыхта >>