14810

Адуней апсыуа-абаза конгресс (АААК) йбыжьбахуз айззара ду йгIвбахуз алачIвара апщаша, мартI а 22 Согъвым апны йджвыквнацIатI. АлачIвара апны адкIылара а-Устав шIыц дрыбагъьатI, АААК ЙхIаракIу асоветгьи алырхтI.

МартI а 22 Согъвым апны йакIвшаз Адуней апсыуа-абаза конгресс (АААК) айззара ду йагIвсыз асквш декабрь мыз агIан йакIвшаз анйараква йрыщтагIайуан, ауаъа йгIащтIырхыз ауысква рыквчважвара нанардзахуан. 

Аделегатква АААК а-Устав шIыц апроект йалапшын йдрыбагъьатI. АААК ЙхIаракIу асовет аунашвачпагIв Эгьзакь Мусса йшихIвауала, Апсны ахабзаква йрыквыргIапста йлыху ауи ашвъа йагъьу аюристква адынхалтI. Айззара злапшыз ауысква йрыуапI адкIылара ЙхIаракIу асовет алхрагьи. Ауи йалалтI Апсны, Къарча-Черкес, Къабард-Балкъар датшагьи Россия аштаква, Трыквшта, Йордания йауу апсыуакви абазакви ргIащтийыгIвчва.

Ари агIаншара асуратлента апшра>>