ХIуагIа ргвбайара тынха йазынарху Адуней апсуа-абаза конгресси «Алашара» жвлара адкIылари рпроект шIыц «Амазара» апкъ йтата апсуа уагIа рашва «Нарҭаа рышьҭыбжь» Хвынцариа йыхьыз зхъу аоркестр асуата видео ахъырхтI.
Апсны апны бзи йырбауа Хвынцариа Отар йыхьыз зхъу ауагIа ъамапсымаква роркестр гIазсуа апсуа уагIа рашва «Нарҭаа рышьҭыбжь» (апсуа бызшвала "НартргIа ргьарпагьаджь" гIаныцIитI – аредакция ррытаразга) апсуа-абаза уагIахъа ргвбайара йазынарху АААКи "Алашари" рпроект "Амазара" йащтагIайуа йахъвхатI. ЙгIвбахауа авидео дарежиссерхатI ауагIа йырдырхьаз апсуа кинематографист шIа Логуа Дауыт.
"АМАЗАРА" ПРОЕКТ ЙАПХЪАХАУА АВИДЕО АРАЪА УАПШЫ ЙАУАШТI >>
ЙгIашвгвалахIыршвахпI: Адуней апсуа-абаза конгресси "Алашара" Дуней адкIылари апсуа-абаза уагIахъа ргвбайара йазынарху апроект "Амазара" (апсуа бызшвала "йазкIкIу байара, абайара ахчарта" гIаныцIитI – аредакция ррытаразга) джвыквырцIатI. Ауи гIалазгаз АААК ЙхIаракIу асовет аунашвачпагIв Эгьзакь Мусса йакIвпI.
швталра йа тшаншвцIара атахъыпI.