«Апсуара амгIващквала» зхьзу ателегIатраква рабаркIыра апкъ йтата ажурналист Бебиа Екатерина апсуара йнардзата йынкъвызгауа гIвыджь – ажвлара уысхагIв Пилиа Романи апхьахьа, агIвгIвы Гвыблиа Георгийи драчважватI.

«Апсуара нкъвызгауа агIвычIвгIвыс зынла уыла дгIацIашвитI. Зынла гвы аутитI ауи тгIачва бзи апны дшрыгIзаз. ХIара хIагIан атгIачва рахIба йажва ачIвыла йнадмырдзауа йдырхъйун. АтгIачва рпны йахIбаз аба йакIвын, ауи йажва зымгIва рыхъаз хабзан», – йхIвитI Пилиа Роман.

«Бзита йупхьадза ауаш азаджв азаджв хвы ъайзибахуа, абагвынгIвра ъану атгIачва акIвпI. АуагIа йырхIвитI: ууыс узалмыргузтын зджьакI руыс уаламлын. Ауи ззырхIвауа: утгIачва тамамта йузыщаквмыргылкIва уажва ауагIа рпны хвы гьамазлушым», – йхIвитI Гвыблиа Георгий.