Ажурналист Бебиа Екатерина лтелегIатра «Апсуара амгIващквала» далазларныс астудия дгIалрайгватI Гвдауыта 2-хауа аквтанай апхьарта арыпхьагIв йгьи адиректор ТхIагъвышв Мери. Ауи Апсны аквтанай апхьартаква рпны апсуаква ръадаби рнамыси йрыщату апсуара йарыпхьара шатахъу гIалхIвитI. Айчважвара СогIвым, Апсны акъральыгIва телебара апны асквш 2009 агIан йанырцIатI.

«Апсны ауагIа р-Абашта айсра асквшква рагIан Чанба Нодар йбзирала «Апсуара» апхьарта апрограмма апхьарасахIат кIьыдата йаларцIатI. Ауаса айсра амщтахь йалырххтI. Сара «Апсуара» шIыц-шIыц арыпхьара йалацIахра атахъыта йспхьадзитI. Ауи щардагIвы йырхIвитI, ауаса ауыс гьтхъум. ЙгIахIпырасуада?!» – лхIватI ТхIагъвышв Мери.