АААК ЙхIаракIу асовет аунашвачпагIв Эгьзакь Мусси а-Конгресс агвыпи Апсуа драма театр апны йакIвшаз, Ардзынба Владислав дангIадрийызищтара сквшы 80 ъацIуа йазынархаз айззара йалан.
Голандзиа Есма
Айззара апны йгIачважватI: апрезидент Гвынба Бадра, аполитика уыснкъвгагIв, «ЙазакIу Апсны» партия ахъада Шамба Сергей, премьер-министрта йынхаз, Ажвлара палата йалу Джьынджьолиа Сократ, РФ АкъральыгIва Дума адепутат Затулин Константин датшагьи ажвлара йгьи аполитика уысхагIвчва.
Эгьзакь Мусса йгIачважвара апны Ардзынба Апсны ауагIа р-Абашта айсра апны айгIайра агIатгари апсуа къральыгIвара ащаквыргылри рпны йалкIгIата уыс ду шйырхъйаз гIаликIгIатI.
«Ардзынба Владислави ауи йыцIагылаквази ахъаз къральыгIва гьрымуыхвузтI, ауат ахъахвитра магIныла йдырчвуан, ауи ауагIа рхъа йшту йгIанымхауата рыла йабауата йырчпун. УахьчIва, архъвыхра шIыцква хIанрынйауа, хIара йатаркIвах ауи атынха тшазынахIырхитI – ауи хIара мгIварбагатагьи щататагьи йхIзалитI, авласть йамурад хъаду ауагIа рзынхара шакIву гIахIгваланаршвитI».
Мусса ХIабальа йпа Ардзынба Владислав дызхъмаштылуа йуысгьи назырдзауа ауагIа дъарылу йара йыхъаз йшчIахIра дуу дацIачIвагъватI.
«Аъащаква ага йшварагIваразгьи асквш 1992 агIан Апсны апны апсуа-абаза уагIахъа йапхъахуз рконгресс акIвшатI. Владислав Григорий йпа Адуней апсуа-абаза конгресс агIаныршара ргвышхвагIвта дазалтI, ауагIа ацзакIыра йаквгIазшIитуан. Ардзынба Владислав йбзазара йгIахIгваланаршваларгIатI йкъральыгIвару адамыгъаква шракIвым – ансимшы нхара, аъадаб йгьи ауагIа гвыла-псыла йрызуыму азхъацIара шракIву».
Эгьзакь Мусса адрматеатр афойе апны йгIахъыртIыз асурат гIарбартагьи дапшытI. АкIартква Ардзынба Владислав йбзазари йынхари йапшым рыгIамтаква гIадырбитI.
швталра йа тшаншвцIара атахъыпI.