Россия алагъь къала хъада апны араъа йбзазауа апсыуакви абазакви рыхъазла Асквш ШIыц йадахIвуа агвыргъьахъв хъвлапны адыргалтI.

Санкт-Петербург апны абаза уагIа рыхъазла Асквш ШIыц йадахIвуа агвыргъьахъв хъвлапны акIвшатI. Ауи адыргалтI Санкт-Петербург апны йаныргIалу Адуней апсуа-абаза конгресс ашIыпIа хъвшара.

Ауи ауысла йауацIыхта >>

АшIыпIа хъвшара аунашвачпагIв Реквава Темур йшгIаликIгIазла, Асквш ШIыц агвыргъьахъв зымгIва йрапхъата йыззынархаз асабиква ракIвын: ауат 50-гIв райхIа надзун. АдгалагIвчва мурад хъадата йрыман Санкт-Петербург йтабзазауа апсыуакви абазакви абазырбуш, йабазырдыуаш анйарта шIыцкI атагIандыршахырныс.