Йапхъахауата лашва шIыц «Сара с-Апсны» Герзмава Хибла асквш 2018 сентябрь а 30, Апсны АйгIайри Ахъахвитри йырхъыцIыз асквш 25 андыртлапIуз атшын йылхIватI. Ауи агIан ауагIа бзи йырбауа ашвахIвагIв ари агвыргъьахъв дула лцри уагIа драйхIвахIвырныс лгвалата Апсны дгIайтI. Секачёва Ирина лажваквала аопера ашвахIвагIв ду йылзалхта амакъым алайцIатI Россия йауу акомпозитор Фадеев Максим. Ашва шIыцла аклип хъихтI Россияла йбергьльу арежиссёр, апродюсер Ахмадов Аслан. Аклип ашвахIвагIв лпсадгьыл Апсны апны акIвпI йъахъырхыз. Ауи уанапшуа угвы йаладырхIитI Пицунда, Басла ацхIа, Моква йгьи Бедиа храмква рсурат пшдзадзаква.