ГIвымшкI руацIа, октябрь а 16-и а 17-и, Гвдауыта апны АААК ЙхIаракIу асовет аунашвачпагIв Эгьзакь Мусса йкубок ахъазла ансисквша йадыргаллауа хвитта абакIрала адуней анкъвакъвраква акIвшатI.
Октябрь а16-и а 17-и руацIа гIвымшкIла Гвдауыта абакIыгIвчва шIа щардагIв ъайззаз къалахатI. Ауат Апсны акъалаква зымгIва йырхъазымкIва Москва, Санкт-Петербург, Ростов, Краснодар, Калининград, Швача, Къарча-Черкес, Къабард-Балкъар, Лагъь Осетия, ГIвадахь Осетия, Йынгвыщшта, Дагъстан йгIартыцIын йгIайтI. Араъа АААК ЙхIаракIу асовет аунашвачпагIв Эгьзакь Мусса йкубок ахъазла ансисквша йадыргаллауа хвитта абакIрала адуней анкъвакъвраква акIвшун.
СынчIва асогIа хъада йазабакIуата спортсмен шIа 200-гIв раъара анкъвакъвтI, ауат рныбыжьла гIвгвыпкIта рхIатларалагьи 17 гвыпкIта йшан. Йапхъахуз ахгылартакI зкIкваз зымгIва акубоккви амедалькви рырттI. Апхъагылара тызгакваз ауи акIвымкIвагьи ахча согIата дасузлакIгьи сом 10000 рырттI.
Анкъвакъвраква октябрь а 17 йалгатI, ауаса йхъаду аджьауап – Эгьзакь Мусса йкубок зквнадыргаз – «Абаза» фестиваль йцIыхъвахауа амшдза йцIакIызлуштI. Акубок зынасып йгIанакIыз Согъвым АмхIаджьырква рдзытшпурам апны октябрь а 18 агвыргъьахъв концерт анакIвшуш агIан йыгIдыруаштI.
Браво!
швталра йа тшаншвцIара атахъыпI.