Ажурналист Бебиа Екатерина лтелегIатра «Апсуара амгIващквала» апны астудия асас агIвгIвы-публицист Пилиа Шамильи апсуара шынхауи ауи анархаракви дрыквчважвитI. Айчважвара СогIвым, Апсны акъральыгIва телебара апны асквш 2009 агIан йанырцIатI.

«Апсуара – ауи уагIахъа академияпI. СгIвыраква рпынгьи ауи схIвалитI. Апсабара апсуара хIща йгIаланажьтI, хIаргьи ауат адырраква хIща йацта абанпаракI абанпаракI йрыхIтхуамцара хIгIабзазитI. Апсуара – ауи агIвычIвгIвыс йыкъазща хIаракIыпI. ХIара, апсуаква, Анчва йымщтахь къару гIахIызтуа апсуара акIвпI. ХIуагIахъа философия шабгугьи хIуагIахъа цIасква йрызгIайхитI», – йхIватI Пилиа Шамиль.