Адуней апсуа-абаза конгресс агвып Очамчыра къали арайони рапхьартаква ркомандаква рквта футболла йапхъахауа ачемпионат адгалри йакIвыршари цхърагIагIвта йалапI.
Очамчыра район акытква рапхьартаква рквта футболла ачемпионат гвыргъьахъвыта йгIахъыртIытI июнь а 16 атшын.
15 кыткI ргвыпква ранкъвакъвра сквшбжакI йнайуаштI, ахъвмарраква АдзыгIвбжьа, Тамыщ, КвтIол, Марквыла, Гвып кыткви Очамчыра къали рпны йакIвшалуштI. Атурнир асквшква 2013-2014 рагIан йгIадрийыз ачкIвынчва алазлуштI.
Ауыс йагIаджвыквцIагIвхатI чкIвыныргIи спорти руысквала Очамчыра район аунашвахъцIарта ахъвшара. Ауи ахчала йацхърагIатI Адуней апсуа-абаза конгрессгьи.
ЙшангIалызла, АААК афутболасчва шIаква ахъвмарраква ъакIвшуш ашIыпIаква йызлацуш абылчIвы ахв атиуаштI. Ауи акIвымкIвагьи а-Конгресс анкъвакъвра шакIвшауа ахабар аргалуштI.
Ачемпионат ангIахъыртIуаз дгIачважвауата СогIвым йаъу АААК ауысхарта аунашвахъцIагIв Реквава Темур атурнир адгалагIвчвагьи йгIалалквазгьи дшырзыразу йхIватI, ауи арайон ахъазла магIныта йамугьи даквчважватI.
«АААК ЙхIаракIу асовет аунашвачпагIв Эгьзакь Мусса йыхьызла ачемпионат адызгалыз аразыра ажваква рзынасырхитI. А-Конгресс ацIайква абзазаща згIвада йазызраргвануа апроектква гватра ду рзалнахитI. Ари йапшу ачемпионатква ажва аламкIва асабиква рзгIвадара дрыбагъьитI, аспорт бзи йддырбитI. ЙхIгвапапI акытква рапхьартаква ари аъара команда ъарзадкIылыз. Ари агвыргъьахъв хIъалахъву хIаргьи хIайгвыргъьитI, ари йапшу апроектква хIуачIвымш мчыта йшазынхауа йазхъахIцитI», – йхIватI ауи.
ЧкIвыныргIи спорти руысквала Очамчыра район аунашвахъцIарта йгIаджвыквнацIаз ачемпионат ауи апхъала зныбыжьла йапшым аспортсменква алазлун. СынчIва анкъвакъвра йалал йауаш асквшква 2013-2014 рагIан йгIадрийыз ахъвмарыгIвчва ракIвпI. Атурнир агIарбараква сквшбжакI цIрыквын йбергьыльхуштI.
швталра йа тшаншвцIара атахъыпI.