Барганджиа Саид

ЙагIвсыз амчыбыжь ауацIа Апсны апны коронавирус рыхьуата ужвыгьи 145-гIвы гIараутI, азгIва рыхьуи йрымхьуи гIаддырдыруата архъвыхра 1287-гIвы гIакIылстI. Ауи апш хабар аргатI АуагIа коронавирус згIва йачвыхчарала аоперштаб.

Аштаб ауысхагIвчва йшырхIвазла, ужвы ари асахIат Гвдауыта Аквта район чымазагIвтара апны 52-гIв щтIапI, ауат йрыуата 48-гIвы коронавирус рыхьуата йщаквдыргылхьатI. 18-гIв хIатлапI, 20-гIвы ауи апшта йгьхIатладзам. Согъвым йтагылу ашIашIкIгIара згIваква зхьуа йъарайъазауа ачымазагIвтара апны COVID-19 шрыхьуа щаквдыргылхьата 16-гIв щтIапI, Очамчыра район аквта чымазагIвтара апны – 8-гIвы, Ткъварчал апны – 5-гIвы, Гагра апны –13-гIв, йатдрыпауа айсра госпиталь апны – 18-гIв.

"Пандемия гIаджвыквлищтара Апсны апны коронавирус зхьуата йщаквдыргылыз зымгIва шалу 12700-гIвы йнадзитI. 195-гIв псытI, 12017-гIв бзихахтI", – хабар аргитI аоперштаб.
АуагIа коронавирус згIва йачвыхчарала аоперштаб ауысхагIвчва ауагIа азгIва тшачвыхчарала амальта йаъу шнарахвуаш йаквгIазшIыртитI.

Апсны апны COVID-19 ауыс уазцгIата аъачIвагIагIвчва рбжьагажва уаздзыргIвы йызлауаш йанакIвызлакIгьи йынхауа ателефон номерква аъапI.

Согъвым абзазагIвчви асасчви 995–02–07 йгьи 935–30–71 номерквала телефон йас йауаштI, Очамчыра – 925–10–09, Ткъварчал – 925–10–03, Гала – 925–10–07, Гагра – 925–10–05, Гвдауыта – 925–10–02, Агвдзера – 925–10–04 номерквала.