Согъвым йазалху агIарбарта апны апсыуа башлыкъ ашIахIваща квпшыраква щардата йгIадырбатI.

Согъвым апны йакIвшатI. Арат ахъашIахIвагаква шгIадрысабапуа гIадырбарныс ахъазла апсыуа скульпторква рынхараква гIарахвтI. Ауат атурых апны йбергьльу ауысхагIвчва, актёрква, ашвахIвагIвчва йырскульптуран. Апроект йацыркIтI йапхъахауа апсыуа сота компания «Аквафон», ауат рцхърагIарала абзазара йаларыжьтI.

Ауи ауысла йауацIыхта >>

Апроект авторква йрыуу асуратхъыхыгIв Чкадуа Ибрагим асасчва абашлыкъ ашIахIваща 10 квпшыракI йнадзауата йдйырбатI. Ауи йгIаргвынйыргIвытI ашIахIваща ахъацIа дъацуш йа дыздгылуаш ауыс, ауат швхIаусыгIвата йрыму йрыквыргIапста, йынгIалуата йаъазара шатахъыз.

АгIарбарта арахьари автор, афонд «АтшадкIылра ацхIа» агIаныршагIвы Лабахуа Елена сквшы 20 райхIа цIитIтта апсыуа уагIахъа чгIвыча атурых лырхъвыхитI. Ажурналистква разцIгIараква джьауап рылтуата ауи йшылхIвазла, абашлыкъ йхъаду ачгIвыча хъвква йрыуазакIыпI.

Апроект авторква дрыуапI апсыуа суратгIвгIвы Джопуа Баталгьи. Ауи йшгIайхIвазла, ахъачва башлыкъ анахъарцIуз швхIаусыгIвата йрымаз, аъащата йызтагылаз гIарпхьадзун, ауи йаццауата дара рхIальшан алкIгIараквагьи алагIадырбун.