Хунцариа Отар йыхьыз зхьзу оркестр Согъвым апны йартыз агвчIагIвчпара концерт йгIанагыз ахча асаби чымазагIв йайъазара йаквшвуз аларшватI.
Хунцариа Отар йыхьыз зхьзу акъральыгIва оркестр ргвчIагIвчпара концерт Согъвым апны апщаша апрель а 25 атшын йакIвшатI. Ауи йгIанагыз ахча шабгу «Ашана» фонд зайгвыгIвуа йчмазагIв хIатлу ачкIвынхвыц йалайцхърагIатI.
Аконцерт адгалра йагIаджвыквцIагIву оркестр агвацчпа унашвачпагIв Арухаа Денис йакIвпI. Ауи ари ауысла акультура-гвчIагIвчпара фонд (КБФ «Ашана» – аредакция ррытаразга) тшырзынайырхатI. ЙшихIвазла, оркестр йалакву зымгIвагьи йацыркIтI аконцерт йгIанагуа ахъахIара асабиква райъазара ахъазла йрыртырнысла агIаджвыквцIара.
АгIахъвмаррагьи дахIврала йакIвшатI: аконцерт ъакIвшуз азал уагIала йырчвын.
«Апрограмма йалан уыжвгIанчIви ъамапсыма аныргIалщала йбыжьгуз апсыуа йгьи адыгьа уагIа макъымква, ауагIа йыргвапхауа анахьанат аршIыйара макъымква. Аконцерт аншлаг аъата дахIвра дула йакIвшатI», – йхIватI Арухаа.
«Ашана» аунашвачпагIв Джинджолиа Мактина йшылхIвазла, афонд артистква ргIаджвыквцIара йайгвыргъьатI, йауа ухIварыквын «агалагьи рыцIа йгвапапI ауыс датша заджвы йангIаджвыквицIауа».
«Аконцерт абилетква зымгIва ртйытI, ауи йазынархата афонд анхагIвчвагьи, адгалагIвчвагьи, ацынхагIвчвагьи нхара ду акIвдыршатI. Аконцерт хъахIарата йгIанагтI сом 161000. Ауи ахчала афонд зайгвыгIвуа асаби чымазагIв Бгеу Темур йайъазара ахв ршватI. ЙахьчIва ауи йайъазара знархараз ахча азкIкIра ашIадрысхтI», – лхIватI ауи.
Афонд аунашвачпагIв датшагьи йшгIацылцIахызла, аконцерт апшыгIвчва йаццауата гIвылшаракI гIарнаттI: асаби йайъазара йгьи Апсны ауагIахъа культура, афольклор ртшауацIыхра знархару ацхърагIара. Джинджолиа йгIалылкIгIатI ари йапшу агвчIагIвчпара гIаджвыквцIараква абзазара ралажьра амагIны швабыж йшдуу.
Аконцерт апны даъан акультура-гвчIагIвчпара фонд «Ашана» агвчIагIвчпара совет аунашвачпагIв Хагба Изольда. Ауи йшгIалылкIгIазла, ари аконцерт Апсны апны агвчIагIвчпара цIасква шбагъьахауа йаквшахIатхитI. Хагба йшылхIвазла, йари йапшу агIаджвыквцIараква апсыуа ршIыйагIвчва ртланыкъвала апхъалагьи йаъан.
«Бгеу Темур йайъазарала йгIаншаз ацхърагIара амаль амузыкантква руыс бзиква рпхьадзара йаланархIуштI. Ауат амузыкантква йрыуапI йбергьльу апсыуа ашвахIвагIвчва Кварацхелиа Мадина, Агрба Саида йгьи Хагба Тимур», – лхIватI Хагба.
Хунцариа Отар йыхьыз зхьзу ауагIа ъамапсымаква ркъральыгIва оркестр асквш 2016 агIан йгIаншатI. Агвып зсуа уыжвгIанчIви быжьгаща зму ауагIа макъымква ракIвпI. Апсны апны оркестр бергьльыпI, бзи йырбитI, ауи хвду зму ртшхъвага щарда аквнадыргахьатI.
швталра йа тшаншвцIара атахъыпI.