Апсны Республика репатриацияла акъральыгIва комитет асайт апны агIвыма къральква йырту хIабашталагIвчва йрыуата Апсны акъральыгIва университет йапхьуш шнарахвуа хабар гIатарцIатI.
Апсны Республика репатриацияла акъральыгIва комитет ансисквша апрограмма апкъ йтата асквш 2023 агIан АГУ йыцIалуаш ршвъаква арт йшауаш ахабар аргатI.
Акомитет ахабар йшгIанахIвауала, арыпхьара йаланакIитI абызшва ъаддырдыруа атшазрыхIазырра курсквагьи. Астудентква ргIайра, бзазартала радгалра, рарыпхьара, стипендия рыртра йырпщылу акврыдзраква зымгIва акъральыгIва нхарта йхънагIвитI.
«Ари апрограмма хысквша цIуата йынхитI. Ауи мурадта йамапI чкIвыныргIа азраргванра, абызшва дырдырра, агIвыма къральква рпны йбзазауа хIабашталагIвчва рыжвла ъану рпсадгьыл йазгIацарпахра. Ауат джьгарра гIадырбушта хIгвыгъитI», – йгIаликIгIатI абашталагIвчва рабадыррала ахъвшара аунашвахъцIагIв Хвтаба Инал.
Ашвъаква асквш 2023 сентябрь а 15-дза йнарахвитI. Ауыс рыцIа йалыргата йыздырра зтахъу +7 940 995 49 95 телефонла (WhatsApp) йа ext@repatriatera.org электрон почтала йазцIгIа йауаштI.
швталра йа тшаншвцIара атахъыпI.