СогIвым йаъу Адуней апсуа-абаза конгресс ауысхарта апны Биданокъва Марзйати Темзокъва Марини сасытI.
Базба Селма
Ари анйара дагIаджвыквцIагIвхатI АААК ЙхIаракIу асовет аунашвачпагIв Эгьзакь Мусса. Анйара ззадыргалыз асасчва СогIвым аны йгIаныршу АААК ашта хъвшара уыста йахауа, йалкIгIата – проектлыхрала анхара ддырдырырныс ахъазла акIвпI.
Афилология наукаква рдоктор, Керашев Т.М. йыхьыз зхъу Адыгея республика агуманитар рхъвыхраква ринститут (АРИГИ) адиректор наука нхарала йтарагылыгIв Биданокъва Марзйати адыгей бызшвали литературали арыпхьагIв, Проект офис йалу Темзокъва Марини АААК ауысхарта апны йдрайгватI.
Ауаъа йакIвшаз айчважвара апны Адуней апсуа-абаза конгресс ахъвшараква рунашвахъцIагIвчва агвып шынхауа, уахьчIвала йыздынхалуа апроектква, апхъахьыла хачIвыта йдыргылуа асасчва йрархIвтI.
Асасчва агIвреспубликакI рпынгьи ажвлара уысхагIвчва йгIащтIырхуа ауысква шапшу гIалыркIгIатI, АААК анхара рыла йшабаз рхIватI, дара проектлыхрала швапхата йдырхIахьаз апшвымаква йрыцагIвыршатI, рахIа йгIарыдахIвыз апроектква йрыквчважватI.
«ХIара Эгьзакь Мусса хIирайгван йхIщалу Апсны Республика хIгIайтI. АААК шынхауа, а-Конгресс анхагIвчва уыста йдырхъйауа тшрыхахIыргIвазатI. ЙаъапI швабыж йхIымагIальаматхаз апроектква, ауат хIара хIпынгьи йхIызджвыквцIузтын хIапшуаштI. СацIачIвагъвара стахъыпI «Алашарагьи» АААКгьи хIызларыцынхуш шаъу. ХIара зымгIва хIыззынхауа хIуагIахъаква шгIащаквхуш, йгIадзынгылуа чкIвыныргIа йшрызхIуш, йшапхьуш, йшынхуш, руагIа рыхъаз шIыцра шгIандыршуш – аратква ракIвпI хIыззынхауа. Ауи ахIатырла зымгIва йрапхъата апсуара, абазара, адыгьагIа гIазырбауа ауысква щардата абзазара йалагIжьра атахъыпI йгьи, ажва аламкIва, араъа швапха амхIымдакIва амаль гьамам», – йгIалылкIгIатI Биданокъва Марзйат.
Адыгея йауаз агвып Апсны апны йыргаз агIвымшкI нхарала йахъазымкIва ларпшралагьи йырчвын.Асасчва АААК агвып пхата йъарпылыз, ацынхара йъазыхIазыру ахъазла йшырзыразу рхIватI.
швталра йа тшаншвцIара атахъыпI.