Адуней апсуа-абаза конгресс ашIыпIа хъвшараква рынхара агвынзыргIвуаши чкIвыныргIа йрыцынхуши нхагIвы дгIалырхра ахъазла анкъвакъвра шакIвшауа ахабар аргитI.

Анкъвакъвра шакIвшуш

Йапхъахауа ахъвы. Июнь а 3 йгIашIарышвта а 16-дза анкъвакъвра йалалра зтахъу сквш 25 зрыцкьахьаз Апсны акъральгIвчва ранкетаква азыркIкIуаштI. Анкета йатахъу зымгIва антаугIвра амщтахь АААК ауысхарта йуга (ауи асахIат а 9 йалагитIта асахIат а 18-дза йынхитI) йа info@abaza.org электрон адресла йущти йауаштI. 

АААК ашIыпIа хъвшараква рынхара агвныргIврали чкIвыныргIа рыцынхарали анхагIвы йъанатIа зкIныс зтахъу йанкета йапшым аформатквала:

• Урышв бызшвала DOCX(MS Word) форматта
• Урышв бызшвала PDF форматта
• Апсыуа бызшвала DOCX(MS Word) форматта
• Апсыуа бызшвала PDF форматта

ЙгIвбахауа ахъвы апны нхара йалагара зтахъкву комиссия (ауи йалазлуш Согъвым апны йгIаныршу АААК ахъвшара анхагIвчва ракIвпI) анкъвакъвра йалакву кIьыда-кIьыда йрачважвуштI.

Анкъвакъвра комиссия анкъвакъвра йалакву рдырракви рхIаль-шани йанырпшуа ргватра ззынархазлуш аъанатIала уынхара ахъазла йатахъыта ашвъа йану акIвпI.

Ауи акIвымкIвагьи анкъвакъвра комиссия анкъвакъвра апны йамайгIайуата йгIанхаз, ауаса здырракви зхIаль-шани ргвапхаз, апхъахьыла нхара йгIахв йауашта йызквдырпшуа руысла щаквыргылра нарахвырнысгьи йахвитпI.

Йхпахауа ахъвы – АААК ЙхIаракIу асовет аунашвачпагIв Эгьзакь Мусса онлайн амальла йачважвара.

Йхпахауа ахъвы амщтахь  анкъвакъвра йалаз гIвыджь гIарылырхта мызкIы ауацIа нхаша хIакъ гIаргуа йдырхъвыхуата йындырхуштI. Ауи амщтахь нхара йгIаныржьуаш заджвы дгIалырхуаштI.

Анкетаква ъанарахвуа йгьи анкъвакъвра йалалквауа йъагIарачважвауа ари адресла акIвпI: Апсны Республика, Согъвым къала, ЛакIоба йурам, 109, Адуней апсуа-абаза конгресс ауысхарта. Ари ауысла кIара гIаззырдырра зтахъу +7 840 226-25-26 телефонла йазцIгIа йауаштI.