МакъымршIыйарала АААК апроект – Эгьзакь Мусса й-Фонд ацхърагIарала а-Конгресс агвыпи амакъымгIаныршагIв Марыхвба Абзагви йдырхъйауа ршIыйара проектпI.
Хутаба Алиса
Асквш 2024 ауацIа апроект апхъала йшнаскIьаз йагIарбагахатI Гвдауыта, Афон, ЧIлоу, Ткъварчал, Лыхны, Очамчыра йгьи Гвыльрыпщ рапхьагIвчва йдрыхIазырыз 10 музыка композициякI.МакъымршIыйарала апроект асабиква йрыквыргIапсу апсуа ашва шIыцква гIаныршара йазынархапI. Апроект щатата йазалитI анамыс йгьи апатриот байараква, ауи йамурадпI чIвецкI злу ашвахIвагIвчва гIаура йгьи цхърагIара драйдзара.
Апроект адгалагIвчви ауи йгIалалквази ранйара акIвшатI СогIвым йаъу АААК ауысхарта апны. Ауи йалан ашвахIвагIв, «Соло» студия аунашвачпагIв Берзениа Фрида, хъашыгIвра злу ашIаква Карамышева Элани Ладариа Асйати, Гвдауыта йауу «Унисон» саби азъазара апхьарта апхьагIвчва гIвмакъым клип шIыцкI гIадырбатI.
ЧкIвыныргIа рыцынхарали физкультурали АААК ахъвшара аунашвахъцIагIв Берзениа Валерий аотчет концерт штшаздрыхIазыруаз гIайхIватI.
«ХIара хIкъраль чкIвын хъашыгIвра злу ашIарала йбайапI. Асквш 2023 агIан архъвыхра проект аналхIырга хIара йгIахIгвынгIвытI ари анархара тшауацIнахIрыхра, чIвецкI злу ачкIвынчви ахIвсси гIалхIкIгIара шатахъу. ХIара Апсны арайонква зымгIва хIгIарыкIвшатI, асабиква макъым шгIаншауа рахIхIвтI, аранжировка ззырхIвауа гIаргвынхIыргIвытI, амастер-классква рзадыгIгалтI, уарад бзи йызбауа йгьи йыззыхIвауа ацIайква хIрыздзыргIвытI», – йгIаликIгIатI ауи.
Апроект апрезентация унагIвакI апшта пхара зыгIвну АААК ауысхарта апны йакIвшатI.
«ЙахьчIва йапшым ашвхIаусыгIваквала араъа зымгIва гьызгIадымгылтI, ауаса нхара ду акIвшатI, ауи агIарбараквагьи удыргвыргъьушта йаъапI», – йхIватI Берзениа.
«Соло» студия аунашвачпагIв Берзениа Фрида ауыс адгалагIвчва аразыра ажваква рзыналырхатI, лстудия апны ацIайква йшрыцынхузгьи гIалхIватI.
«ХIара асабиква хIызларыдынхалуа макъым нархарагIвацала гьакIвым, магIын ду амапI ауат цри бызшва бзи йдырбара, рыбызшвала ашва рхIварныс йаквыргвышхвара. Сара сбжьаматаквагьи сыцта йхIгвапхадзауата апроект хIалалтI, ауи апш лшара гIахIызтыз адгалагIвчва швабыж сырзыразпI», – йгIалылкIгIатI ауи.
Марыхвба Абзагв апроект асабиква аъачIвагIагIвчва йрабадырра йахъазымкIва рхъа йадынхалырнысгьи лшара шырнатуа дацIачIвагъватI.
«Апроект йгIалалкваз дара-дара клип ахъырхуа, ашва анырцIауа йалагатI. Ауи гIаджвыквцIара бзипI. Ажва аламкIва, ацIайква рызхIара, рылшараква гIахътIра йапщылу запшуысызлакIгьи йацкIра атахъыпI. Эгьзакь Мусси АААКи рапшта хъашыгIвра злу ашIара рызхIара йадынхалуа зымгIва сырзыразпI, ауат агIаджвыквцIараквагьи сгвыргъьачIвауа йрыцскIитI», – йгIацицIатI ауи.
Асквш 2023 йгIашIарышвта апроект ашвахIвагIв 150-гIвы райхIа гIалалхьатI, уарадта 20 райхIа гIацIцIтI.
швталра йа тшаншвцIара атахъыпI.