Апхьарта йыцIамылс асабиква рбжьара йазынархаз, гIвымшкI йнайыз тшыбжьара айшыс рзакIвдыршатI Гагра район асабигIзартаква рбжьагIвчва.
Арыпхьарали жвлара джьгаррали згIвадарахчарали АААК ахъвшара (ОСАЗ) проект шIыцкI ахабар аргатI – асабигIзартаква рпны йынхауа абжьагIвчва рыхъазла атренингква.
ЙджвыквцIагаз атшыбжьара рзадыргалтI Гагра район асабигIзартаква рынхагIвчва Гагра къала апны. Ауаъа йгIачважватI аъачIвагIагIвчва – апсихолог, алогопед-дефектолог Дубицкая Юлия йгьи апсихолог, «Росток» саби квта аунашвахъцIагIв Подолянко Анна.
Аинтенсив гIвымшкI йакIвшатI. Ауи Гагра район асабигIзартаква рпны йынхауа 19-гIв бжьагIвчва алан. Атшыбжьара Чамагуа Х.Х. йыхьыз зхъу Гагра йапхъахауа аквтанай апхьарта апны йадыргалтI.
Апхьарта йымцас асабиква рпсихология ащаквгылща аъазара шатахъу, йтамаму ащцалраква шщаквуыргылуаш, асаби хвыцква рарыпхьари рызхIари йырзалху аъащаква, зчважваща щаквгылам асабиква рыдынхалща, асабиква ран-рабачва рабадыррала анхара датшагьи нархара щарда йрыквчважватI агIвымшкI руацIа.
АААК ахъвшара ОСАЗ аъачIвагIагIв Хьышба Науыр ари апроект шгIаджвыквлыз гIахIайхIвтI.
«Диспансеризацияла апроект хIырхъйауата саби щардагIв рпсихики рчважвари рщаквгылра тащахIахауата йрынйуз айъазагIвчва хIара тшгIахIзынадырхун. АзгIвадара антахьгьыт алкIгIараква йрапшдзата араъагьи магIын ду амапI ауатква пасата йгIаудырта ушрыдынхалуаш йалыргата йлухырныс. Ари анархарала уыс ду рзырхъйитI асабигIзартаква, ауат рынхагIвчва, абжьагIвчва. Ауаса йанаъазара бзихушта йхIпхьадзатI асабигIзартаква рынхагIвчва йайшысу, ауаса йалакIыта дырра щарда гIауызтуа атшыбжьараква рзадыгIгалырквын», – йхIватI ауи.
Атренинг йалакваз йддырбатI апхьарта йымцас ацIайква рызхIара, рпсихика ащаквгылра, зчважвара ласыта йгIаунамщтуа асабиква урыдынхалра шатахъу йырзынарху апрезентацияква.
Апсихолог Дубицкая Юлия йшылпхьадзауала, ари йапшу атшыбжьара айшысква рпны хачIвыта йгылу асабигIзартаква рынхагIвчва «абжьагIвы-ан-абачва-асаби» ацынхара тамамта йшщаквдыргылуаш апшта цхърагIара рзыгIаныршара акIвпI.
«ХIара ари аныбыжь апны асабиква рпсихология шаъу, асабиква рныбыжь йгIаквхта йырдурычпа йауаш ауысла йшхIылшуз апшта щарда хIхIватI. ХIаквчважватI йгьи йгIахIырбатI уыжвгIанчIви бзазара йгIалалуа ашIыцраква асабигIзартаква рпны йыншауа шырпсахуа, асаби йшйызхIауа, анаука гIвыраква йырну атахъыраквакI уыздынхалуа асаби йыквыргIапсымкIва йзалуа», – лхIватI Дубицкая.
АъачIвагIагIв йгIалылкIгIатI сквшипхьадза зызгIвадара ацакIра алу ацIайква рпхьадзара рыцIа-рыцIа йшалахIауа, ауи абжьагIвчва рпахь ахачIв шIыцква шгIанаргылуа.
«Ужвы йшаъула, ацакIракI злу ацIайква дара-дара ажвлара йрылата абзазара тшадрыщцитI – арыпхьартаква рпны ауат тамамта йзызхIауа асабиква йрылапIи щта. Ауи абжьагIвачва хачIв щарда рыквнархIитI – абжьаматаква дырра рытралагьи, йрытамамралагьи, йбжьаралагьи. Ауаса йанаъугьи – ауи ахъаз йатахъу бзазага-техника щата гьаъам, ауат йрапшу асабиква урыцынхара шатахъу ауысла адырраквагьи гьнахъум. Ауи йгIалцIла абжьагIвчва руыс дырхъйарныс рчвыбаргвпI. ГIвымшкI йакIвхIыршаз асеминар абжьагIвчва ауат ауысква рзалыргарныс ахъазла цхърагIарата йырзалуаштI», – йгIацылцIатI ауи.
Дубицкая йгIалылкIгIатI лъачIвагIалагIвгьи ларгьи анхара апны йуызгIарысабапуаш адырраква йшрылшуз апш щардата йшырхIваз.
УыжвгIанчIви бжьагIвы ймурад хъаду йапшым асабиква данрыцынхауа йуыс рыцIа йшмайрахуш, дзачIвцIайызлакIгьи агвып дрылагIващауата дцара, чIвецта йылугьи йзыгIахътIра ахъазла дицхърагIарныс, ан-абачви йари азазхъацIара рызбжьата йабадырырныс акIвпI.
АААК ахъвшара ОСАЗ аунашвахъцIагIв Хагба Изольда апроект шIыц архъйара йгIалалыз зымгIва дшырзыразу лхIватI.
«ХIара хIырзыразпI гIвымшкI руацIа асабигIзартаква рбжьагIвчва йрыдынхалыз аъачIвагIагIвчва Дубицкая Юлии Подолянко Анни. ЙхIвара атахъыпI Гагра район асабигIзартаква рунашвахъцIагIвчвагьи ауат зымгIва азызкIкIыз акъала апны ауагIа рарыпхьара ахъвшара аунашвачпагIв Ажьиба-Хьыщба Мадинагьи ари ауыс бзита йшаквчважваз. ХIара атренинг апны уыста йызквчважвушла хIайкьангьашын хIъачIвагIагIвчва рыхъаз рыцIа магIны змата йхIпхьадзаз хнархаракI хIрыквгIашIастI», – лхIватI ауи.
Хагба Изольда йшылхIвазла, магIын ду амапI асабигIзартаквагьи акъральыгIва уысхартаквагьи рунашвачпагIвчва ръачIвагIагIвчва рдырраква йшрыладырхIуш, шIыцракI шддырдыруаш йъащту. Йауа ухIварыквын, ауи асабап йапхъахауата йызквшвуш хIысабиква ракIвпI.
Апроект зырхъйауа йырмурадпI йара ари йапшу гIвымшкI йнайуа интенсив сынчIва адзын Гвдауыта район асабигIзартаква рбжьагIвчва йырзадыргалырныс.
швталра йа тшаншвцIара атахъыпI.