АгIвычIвгIвысдуква
Апсны апны ауагIа зымгIва бзи йырбауа агIвгIвы Гогуа Алексей дангIадрийыз амш йадахIвуата АААК ахабарргарта портал ауи йыхъазла бзагIвра арыхIазыртI.
МартI а 11 атшын Апсны абзазагIвчва бзи йырбуз ауысагIв Аджьба ТIаиф сквшы 83 йхъыцIуашын. Ауи ргвы дтата дбзазитI, анцIрала йбзазуштI, йрызчIащыгIвазлуштI йыршIыйара сатырквагьи. АААК ахабарргарта портал йадыргалтI ауагIа руысагIв хьзы зквнагадзуз Аджьба ТIаиф йгIайыквчважвауа абзагIвра.
Асквш 1950 года февраль а 23 Согъвым апны дйытI Ачба Зураб – Апсны апны йбергьльу ажвлара йгьи аполитика уыснкъвгагIв, аюрист, ахабзахчагIв. УахьчIва ауи сквшы 70 йхъыцIуашын.
Асквш 1918 январь а 29 йапхъахуз апсуа ргылчIв гIадырбатI, ауыла апсуа театр азъазара ахъа джвыквылтI. Апсуа драматургия дагIаджвыквцIагIвта далтI уахьчIва Апсны адрамтеатр зыхьыз йынкъвнагауа Чанба Самсон.
Къарча-Черкес апны йбергьльу ажвлара-политика уыснкъвгагIв Быджь Исмель йюбилей йадахIвуата АААК ахабарргарта портал ауи агIвычIвгIвыс джьащахъва йбзазара мгIва, йтгIачва, абзазара апны хвы ззибауи йчпарныс бзи йбауи йгIарыквчважвитI.
АрахврхIагIв, амлыкврхIагIв гвымчIва ХIапIатI ЧухIайыб йыцынхазгьи йунашва йацIата йынхузгьи хвду азырбун ауи ауагIа рпны йахъазымкIва арахвнадзара рпны йынкъвигуз айгвыгIвра ду.Ауи йгIатгара хъадаква йрыуазакIыта йгIалыркIгIитI йхIаракIу артшхъвага – Сталин йсогIат – ззгIайквнадыргаз ауыс – зласа пшку ауасатлапкъ шIыц ъагIанйыршаз ахъазла.
Эсенч Тевфик йхъазын убых бызшва здыруата адуней йыквхыз. Ауи дгIадрийищтара йцIуа асквш 115 йадахIвуата АААК ахабарргарта портал Трыквшта аубых кыт Хаджи-Осман йтагылу ЭсенчргIа рунагIва апны йсасытI.
Апсны апны ансисквша йадыргаллауа асогIа «Асквш йагъьу асуратчпагIв» акIвшатI.
Анаука жвлара акIавкIаздырыгIв, абызшвадырыгIв Марр Николай йынхараквагьи йаргьи йшырзыъу гьапшым, ауаса ауи апсуадырра апны зыщта пшдза гIанызжьыз дшапхьахьа дуу хIакъпI. Декабрь а 25 Марр Николай ййымта мшыпI.
Асквш 2019 агIан любилей лыртлапIитI Апсны ауагIа рартист, «апсуа гIахIвра апаштахI пхIвыс» Герзмава Майя.