Лента событий ВААК
АААК Бебиа Екатерина лгIвыраква рпрезентация йалан.
Адуней апсуа-абаза конгресс агвып АААК йаланакIуа Апсны апхIвысква р-Координация совет аунашвачпагIв Бебиа Екатерина йылгIвыз агIвкнигакI – «Харадъа йдыркъванчаз» йгьи «Ахъаштылра йгIалцIта ахъмаштылра йазцаз» рпрезентация йалан.
АгIвыраква Бебиа Екатерина йылрыхIазыруа ацикл «Апсны апны аполитика чвгьахараква йрыладзыз» йауу йапхъахауа гIацIщтрапI.
АгIацIщтра шIыцква апсуа кытква Лыхны, Дурыпщ, Квланырхва, Ачандара, Тамыщ, КвтIол, Джьгьарда йгьи Гуада йрыуата ХХ асквшышв асквш 30-40-ква рагIан аполитика чвгьахараква рызарар зквшваз йгIарыквчважвитI. Акнигаква уагIата 400-гIв райхIа рхабарква рныпI, агIвгIвы ауат сквш 40 райхIа йазылкIкIытI.
Акнигаква рпрезентация ъакIвшаз асквш 1937 агIан апсуа интеллигенция йгьи аполитика уыснкъвгагIв дуква йрыуата 13-гIв йхътIыта рхIаквым ъархуз Чанба Самсон йыхьыз зхъу Апсны акъральыгIва драма театр апны акIвпI.
АААК ЙхIаракIу асовет аунашвачпагIв Эгьзакь Мусси а-Конгресс анхагIвчва гвып зымгIви рыхьызла Бебиа Екатерина йылзынархаз хIвахIвра ажва йхIватI СогIвым йаъу АААК ауысхарта аунашвахъцIагIв Реквава Темур.
