Аменю
6 Февраль 2023
12:23
ТшанцIара

Адуней
апсуа-абаза
конгресс

Адуней апсыуата, абазата йыкву адхIкIылитI

Лента событий ВААК

04.02.2023 23:46
Астомбыль, Трыкв Республика

Гьыцба Инар Трыквшта апны ахъвдаквцIараква абгата йызму Апсны рхIвачIвгIвы АгIвдза Ибрагим дйынйатI.

АААК архъйагIв секретарь, Апсны АуагIа Райззара адепутат Гьыцба Инар нхара уысла Трыкв Республика даъата ауи акъраль апны ахъвдаквцIараква абгата йызму Апсны рхIвачIвгIвы АгIвдза Ибрагим дйынйатI. Анйара апны апсуа-абаза диаспори Трыквшта йаъу антахьгьыт адиаспораква рыжвлара адкIыларакви рабадырра шдрыбагъьуш йгьи йшауацIырхуаш йаквчважватI. Ауи апшта, Адуней апсуа-абаза конгресси Апсуа культура квтаква р-Федерации (Апсуафед) апсуа-абаза уагIахъа рыхъазла бзира злу рацынхара тшауацIнарыхра ауысла Апсуафед йазынархата АААК ЙхIаракIу асовет аунашвачпагIв Эгьзакь Мусса ажвата йгIайгыз гватшныта йалапштI.

0
04.02.2023 23:40
Ткъварчал, Апсны Республика

ААК Ткъварчал къала апны ъачвагалхрала атшыбжьара акIвнаршатI.

АААК арыпхьарали жвлара джьгаррали згIвадарахчарали ахъвшара Ткъварчал апны акъала апхьартаква зымгIва рапхьагIвчва ахIбачва рылата ъачвагалхрала атшыбжьараква акIвнаршатI. Атренинг СогIвым къральыгIва колледж апны ауыхвара уысквала йазрыпхьауа Барцыц Алиси АГУ астудентква Касландзиа Сарии Касландзиа Нестори алата йакIвшатI.
 

0
04.02.2023 23:30
СогIвым, Апсны Республика

АААК Арасадзыхь кыт апны йапхъахауа цхърагIарала атшыбжьара акIвнаршатI.

Адуней апсуа-абаза конгресс арыпхьарали жвлара джьгаррали згIвадарахчарали ахъвшара Очамчыра район йаланакIуа Арасадзыхь кыт апхьарта апны МЧС аъачIвагIагIв Амычба Индира далата агIвычIвгIвыс йапхъахауа цхърагIара йрадзарала йызкьазууыз атшыбжьара аднагалтI. АпхьагIвчва агIвычIвгIвыс данмахра, закIы данабылра, йыбыгIв аншIчIвара, закI ангIайыцхIара, йща ангIаджвыквылра тамамта йапхъахауа цхърагIара шйыурадзуш рархIвтI.

0
31.01.2023 17:49
Санкт-Петербург, Россия Федерация

«Радлов апхьараква» зхьзу IХ анаука конференция акIвшатI Кунсткамера апны

Ансисквша йадыргаллауа «Радлов апхьараква» наука конференция акIвшатI РАН йаланакIуа Санкт-Петербург йтагылу Антропологии этнографии рмузей (МАЭ) апны январь а 30-31 агIан. Аконференция анхара апкъ йтата «Россия зчIвылу ауагIахъа мачIква: этнокультура хъата» секция гIахъыртIын ауаъа апсуакви абазакви йырзынарху доклад рымата пщыгIв наука нхагIвчва гIачважватI.

https://abaza.org/abq/1013

0
31.01.2023 15:45
Гал, Апсны Республика

А-Конгресс агвып апхьагIвчва ъачIвагIагIалхрала рыдынхалра Гал аколледж анхагIвчва гIаланадыркIтI.

«ЪачIвагIагIалхра» проект архъйара апкъ йтата АААК арыпхьарали жвлара джьгаррали згIвадарахчарали ахъвшара анхагIвчва Гал агуманитар колледж аунашвачпагIвчви анхагIвчва гвыпи йрынйатI. АААК апроект ъачIвагIа тшазыбжьарала йхIаракIу йгьи йазалху квтанай дыррагIацIгара йапшым анархараква чкIвыныргIа йшрылаугуш йазынархапI.

0
31.01.2023 15:44
Ткъварчал, Апсны Республика

А-Конгресс агвып апхьагIвчва ъачIвагIагIалхрала рыдынхалра Ткъварчал аколледж анхагIвчва гIаланадыркIтI.

«ЪачIвагIагIалхра» проект архъйара апкъ йтата АААК арыпхьарали жвлара джьгаррали згIвадарахчарали ахъвшара анхагIвчва Ткъварчал агуманитар-промышленность колледж анхара тшахадыргIвазара ртахъыта ауи аунашвачпагIвчви анхагIвчва гвыпи йрынйатI. АААК апроект ъачIвагIа тшазыбжьарала йхIаракIу йгьи йазалху квтанай дыррагIацIгара йапшым анархараква чкIвыныргIа йшрылаугуш йазынархапI.
 

0
30.01.2023 11:40
Гвдауыта, Апсны Республика

Жвандрыпщ кыт апхьагIвчва ъачIвагIа шгIаллырхуаш йазырбжьатI.

АААК арыпхьарали жвлара джьгаррали згIвадарахчарали ахъвшара (ОСАЗ) апроект апкъ йтата Жвандрыпщ аквтанай апхьарта акласс ахIбаква рапхьагIвчва ъачIвагIа шгIалухуаш ауысла айчважвара рзадыргалтI.
ЙгIадрайгваз аъачIвагIагIв, СогIвым къральыгIва колледж апны ауыхвара уысквала йазрыпхьауа Барцыц Алиса, АААК анхагIвчва Хагба Изольди Хьышба Наури уызланхуш аъачIвагIа гIалухра ахъазла бзита ухъвыцра шатахъу апхьагIвчва йыргвындыргIвытI. АрыпхьагIвчвагьи злаз айчважвара апны уахьчIва анхартаква ъачIвагIагIвта рыцIа йыззыбжазлауа, Апсны апны йапшым аъачIвагIаквала квтанай йгьи йхIаракIу дырра уауырныс лшарата йаъу рхIватI, ахIбачва дара ршвапхагьи гIаргтI. Ауат ръачIвагIаква штшырзырбжьаз, рдырраква йшрыладырхIуз, нхарта гIаура ауысла баргвырата йзынйаквуз гIархIватI.

0
26.01.2023 22:50
Гвдауыта, Апсны Республика

Йапхъахауа цхърагIарали амцаблыра тшачвыхчарали атшыбжьараква акIвшатI Уатхара кыт апхьарта апны.

Адуней апсуа-абаза конгресс арыпхьарали жвлара джьгаррали згIвадарахчарали ахъвшара Апсны апхьартаква рпны агIвычIвгIвыс йапхъахауа цхърагIара йрадзарала атшыбжьараква аднагалыркIвитI. АъачIвагIагIв Амычба Индира далата йызкьазууыз атшыбжьараква акIвшатI Гвдауыта район йаланакIуа Уатхара кыт апхьарта апны. Атренинг Гвдауыта район амцаблыра тшачвыхчарала акъвырльыкъвхарта анхагIвчвагьи – Хагуш Даниили ЛакIойа Мурати –  гIалалтI.

0
19.01.2023 16:40
СогIвым, Апсны Республика

ЗызгIвадара аъаща йгIалцIла зылшараква ахъарысу ауагIа рыхъаз лифт дыргылтI СогIвым 3-хауа апхьарта апны

«Инва-Содействие» адкIылара агIаджвыквцIарала Воронов Ю.Н. йыхьыз зхъу СогIвым йхпахауа апхьарта апны зызгIвадара аъаща йгIалцIла зылшараква ахъарысу ауагIа рыхъаз лифт дыргылтI. Апроект архъйара йацхърагIатI абзихагIвчви йгвалымсым ауагIи. Ауат йрыуапI АААК ЙхIаракIу асовет аунашвачпагIв Эгьзакь Мусса, асовет йалу Агрба Беслани Кобахиа Беслани. СогIвым йхпахауа аквтанай апхьарта аунашвачпагIвчва СогIвым аунашвахъцIарта ахъада Эшба Беслан дгIарцхърагIауамца зызгIвадара аъаща йгIалцIла зылшараква ахъарысу апхьагIвчва йъартахъу йшзыцуш апшта лшара рзыгIандыршитI.

0
19.01.2023 13:38
СогIвым, Апсны Республика

Мгвдзырхва утыцIта Аддис-Абебадза: асовет дипломат Шулумба Григорий йхабар

ЗымгIва йрапшыз апсуа тгIачва апны йгIадзынгылыз ачкIвын дапхьарныс йгвалан, уацIыхъван къраль щарда рпны даъан, Азия Квта апны йпхIвысхушыз дгIайауын Эфиопия дигатI. Адипломат Шулумба Григорий йынхари йбзазари дрыквчважварныс бзи йгьйымбузтI, ауаса хIара ауи дыгIдыритI йгьи дгьхIхъаштылуам.

https://abaza.org/abq/953

0
ЙататацIахра