Лента событий ВААК
Апсны Республика Ахъахвитри АйгIайри рысквш 30 ахъазла АААК ЙхIаракIу асовет аунашвачпагIв йхIвахIвра
Донбасс йшвыру адивизия йалакву АгIвдза Ахра драхIбата СогIвым апны АААК ауысхарта йнашылтI
АйгIайри ахъахвитри рымш гIадзауата «Пятнашка» айсчва, рунашвачпагIв АгIвдза Ахра рапхъа дгылата, а-Конгресс ауысхарта йнашылтI. Анйара пхата йакIвшатI. Уыс щарда гIащтIырхтI. Акультура, ахъазыдырра, ацIагылра, йщаквгылыз аъащаква, ашварагIварадара, амамыр хчара шатахъу йалачважватI.
«ХIапхъанчIвиква йхIызгIаныржьыз, сквшызкьпхьадзарала йщаквгылыз, ужвы йъагIадзаз хIуагIахъара гIазхчауа акультура, агвбайара датшата хIанапшра – хIара йхъахIцIитI уахьчIвагьи Апсуарадъа апхъахьыла бзазара шхIымам. ХIара йалыргата йгIахIгвынгIвра атахъыпI йхIхчара атахъу, хIызтыцI йамуаш хIкультура адзыщтраква», – йгIаликIгIатI айчважвара апны Адуней апсуа-абаза конгресс ЙхIаракIу асовет аунашвачпагIв Эгьзакь Мусса.
«ХIъанызлакIгьи – хIара йанакIвызлакIгьи хIацыпI, тгIачва дукIта хIаларпапI, йгьи йыгIдырра атахъыпI дасу ймагIну, араъа, Апсны апны, магIын ду зму ауысква зырхъйарныс йазыхIазырдзу», – йгIацицIахтI ауи.
А-Конгресс агвып асасчва ахъвшараква рынхара аргваныта йахадыргIвазатI. Асасчвагьи дара ргвгIанаграква, апхъахьыла ацынхара шырбауа гIархIватI.
"Агвы азшIытрала"
Апсны ауагIа р-Абашта айсра зтахъырала йалаз айсчва – ачIвыйа ауат адызкIылуаз, АйгIайра апны ауат ралацIара шпаъу, айсра ауат рылахьква шпапсах? АйгIайра асквш 30 йадахIвуата хIара «Агвы азшIытрала» ахьызта натра хIрыхIазыртI, ауаъа АйгIайра гIазраргваныз, абзира йащтаз ауагIа хIгIарыквчважвитI.
АААК Москва апны йакIвшаз апсуа культура афестиваль «Апсны» йалан
Апсуа культура йпщбахуз афестиваль «Апсны» апсуа сасбзибара йагъьу ацIасквала Москва аквтабырг «Эрмитаж» цIлауатра апны мтшаша марамшыта йакIвшатI. Афестиваль апахь хачIвыта йгылан асасчва Апсны ауагIахъа гвбайари атурыхи йрыхаргIвазара, уахьчIва акъраль штшауацIнахуа гIарбара. https://abaza.org/abq/1088
АхIврапшдзаква ъащтIарцIуз АААК алан.
Адуней апсуа-абаза конгресс агвып Артшхъвара апарк апны йгылу айсра йаладзкваз рчвахъабага хIврапшдза азыщтIазцIуз йрылан. Асквш 1993 сентябрь а 23 апсуа рква СогIвым аквта ркIытI. АсахIат 15:30 аннадза Апсны Республика абаракъ Аминистрква р-Совет атдзы акв апны йбрыбыруан – Апсны акъала хъада гIахвитхатI. АйгIайрадза йгIанхахыз хымшкI ракIвын.
«Аимцакьачара» анкъвакъвра афинал «Апсны» этнопарк апны йакIвшатI
«Апсны» этнопарк апны «Аимцакьачара» апсуа уагIахъа хъвмарщала анкъвакъвра афинал акIвшатI. Ауаса йапхьитI уыжвгIанчIви регби йашIырпшу гвыпла атопасща. Ахъвмарща ахабзаквала агвыпква ркапитанква йдучвам ауабчватоп лабала йасуамца дара ргвып йауу ахъвмарыгIвчва йшырзауырщтуаш йащтапI. Атоп гIазкIуа ауи йыквызхра зтахъыта йпшIагылакву тшырдимыркIуата афинишдза днадзара атахъыпI. https://abaza.org/abq/1086
СогIвым апны йгIвбахауа анаука-практика конференция гIахъыртIытI
Анаука конференция гIвгIаншара дукI йрыквдыршвауата йадыргалтI: Апсны ауагIа р-Абашта айсра апны йгIатыргаз АйгIайра асквш 30 йгьи Россия ареспублика ахъахвитра йацнакIищтара йцIуа а 15 сквша. Айззара аунашвахъцIара хабзаквала арыпхьагIвчви апхьахьакви акъральыгIва унашвахъцIара ргIапсра анхагIвчви аднакIылтI. https://abaza.org/abq/1085
АйсыгIв дзыгIзаз агара: АААКи Гвдауыта амузейи гIарбара адыргалтI
Адуней апсуа-абаза конгресс Гвдауыта йаъу Дбар Сергей йыхьыз зхъу Апсны ауагIа р-Абашта айсра АкъральыгIва музей аэкспозиция йахъвыкIу агараква гIвымшкIла йатдрыпауа ргIарбарта адгалра йацхърагIатI. https://abaza.org/abq/1082
