Лента событий ВААК
ХъвлапныкI атеатр апны: АААК акытква рапхьартаква рапхьагIвчва рыхъаз апроект акIвнаршитI
Адуней апсуа-абаза конгресси Чанба С. йыхьыз зхъу Апсуа къральыгIва драма театри «ХъвлапныкI атеатр апны» проект акIвдыршитI. Ари азын ауи йалан Акваскиа кыт апхьагIвчва.
ЙшцIасхаз апшта аргылчIв йаламгаскIва актриса йгьи Апсны апны гIатгара зму ажурналист Когониа Элеонора ауат атеатр рдлырбатI. Ауи атеатр шгIаншаз атурых, ауи штшауацIнахуаз ралхIвтI, атеатр уаныгIвну штшукIуаш гIаргвынлыргIвытI. АпхьагIвчва асцена ащтахьгьи йыкIвшатI, артистква йрабадыртI, аспектакль йшадынхалуа рдыртI.
Асцена апны зхабар дута йгаз Чкадуа Шота йпьеса «ХIыуа йдагву дызда?» ащатала арежиссер Аргвын Мадина йлыргылыз аспектакль гIадырбатI. Ауи акIвымкIвагьи апроект йалакваз атеатр абуфет йдырцан ахъагIараквала йдрытхаджьтI.
Атеатр ацара апхьагIвчва рыхъаз гIаншара джьащахъвата йалтI, ауат рдырраква йрызхIатI, азъазара адуней рыцIа бзита йырдыртI.
