Лента событий ВААК
АААК апресс-квта апны Апсны ажвлара адкIылараква ранйара акIвшатI
СогIвым йаъу Адуней апсуа-абаза конгресс ауысхарта апны Апсны ажвлара адкIыларакви Ростов шта йаланакIуа Каменск-Шахтинский къала йауу хъахIара гIагра мурад змам «Асоциал гIаджвыквцIараква рыжвлара квта» автоном организации ранйара акIвшатI.
РыцIа пасата ажвлара квта апроект «НКО азхIара аджвыквцIарта: Апсны» РФ апрезидент гратква ранкъвакъвра апны йайгIайтI. Ауи Апсны апны АААК алата йдырхъйауа йалагахьатI.
Анйара апны «Асоциал гIаджвыквцIараква рыжвлара квта» агIащтийыгIвчва экология, арыпхьара, згIвадарахчара, культура ртшауацIыхра йазынарху апроектква гIадырбатI. Апсны ажвлара адкIылараква рунашвачпагIвчвагьи йрылаквугьи йауацIыхта рынхара йаквчважватI. Анйара йалакваз ауаъа йызлачважваз ащатала йацынха йшауаш ауысла йайкьангьаштI.
«Гәыкала». Ануа Ансоу
Адуней апсуа-абаза конгресс «Гәыкала» проект – йапшым анархараквали аъачIвагIаквали йынхауа агIвычIвгIвыс джьащахъваква райчважвараква – акIвнаршауаркIвитI.
Йызкьазуу ахъвы ахъаз сасыта дгIазшIырттI Ануа Ансоу – ЧIлоу кыт апны йгIаныршу АААК ашIыпIа хъвшара аунашвахъцIагIв, ауагIахъа спорт квпшыраквала ЧIлоу акоманда рбжьагIвы.
Апсуа уагIахъа хъвмарщаквала гвып адкIылра ауыс йапхъахауата йшгIаларгаз, баргвырата йгIазылсра атахъхаз, аспорт бзибагIвчва ауагIахъа хъвмарраквала йшчемпионхаз – швапшы хIайчважвара апны.