Лента событий ВААК
«Абаза уагIа рхъвмарраква» проект Россия апны йакIвшауа «Уара ахъвмарра уалапI!» анкъвакъвра афиналбжа йкIылстI!
ХIыгIвзачва тлапIаква! ХIара уызгIвымсхыз хабар бзидздзакI хIымапI – хIспорт проект хъада федерал хIагIара акIитI. Асквш 2014 йгIашIарышвта Абаза уагIа рспорт академии «Алашара» Дуней адкIылари Эгьзакь Мусса йунашва йацIата «Абаза уагIа рхъвмарраква» «Абаза» фестиваль йахъвыкIта акIвдыршалитI. Жвсквша руацIала ауат ауагIа йыр-Олимп хъвмаррадзахатI. Ансисквшагьи ари аспорт гвыргъьахъв Къарча-Черкес, Апсны, Къабард-Балкъар, Москва, Ставропольшта датшагьи ашIыпIаква йгIартыцIуа спортсмен шкIыгIвпхьадзара азнакIкIитI, апшыгIвчва ауаъа зкьыгIвпхадзарала йгIадгыллитI.
Абар ужвы «Абаза уагIа рхъвмарраква» РФ спортла а-Министерства Россия ауацIала йакIвнаршауа аспорт проектква ранкъвакъвра афиналбжа йкIылстI!
Ауи дахIвра дупI:
Россия шабгу ашIыпIаква рахьыла йгIарщтийыз апроект 5500 рпны афиналбжа йзынадзаз 280 ракIвпI. ХIара хIчIвы ауат йагъькву йрыуапI! Ужвы зымгIва зпщылу ауагIа рнапIщтIыхра акIвпI.
Финал хIнадзуши хIнамдзуши зпщылу швара швакIвпI!
АнапIщтIыхра май а 5-дза, ауи амшгьи аланакIуата, йакIвшуштI. ДзачIвызлакIгьи уажва магIны амапI!
Абаза уагIа рспорт цIасква ргIащаквыжьра йацшвкI!
НапIы араъа йщтIых йауаштI: https://тывигре.рф/
Ари ахабар швыгIвзачва йрашвхIв! ШвгIай хIацIагылпIта Россия ажвлара Абаза хъвмарраква рпшдзари рымчи дхIырбапI!
