Лента событий ВААК
АААК ауысхарта апны «Асоциал гIаджвыквцIараква рыжвлара квта» автоном НКО ацынхара йазынархаз брифинг акIвшатI
АААК ауысхарта апны Адуней апсуа-абаза конгресси Ростов область йаланакIуа Каменск-Шахтинский къала йауу хъахIара гIагра мурад змам «Асоциал гIаджвыквцIараква рыжвлара квта» автоном адкIылари Россия Федерация апрезидент грантква р-Фонд йаднагалыз анкъвакъвра апкъ йтата рацынхара йазынархаз брифинг акIвшатI.
«НКО алахIарта тып: Апсны» проект мурадта йамапI Гал район йаланакIуа ЩащикIвар кыт, Гвдауыта район йаланакIуа Аацы кыт, Очамчыра район йаланакIуа ПакIващ кыт йгьи Ткъварчал район йаланакIуа Уаквым кыт рапхьартаква рыщатала жвлара уатыкв агвныргIвра ахъазла аъащаква гIаныршара. Ауат апхьартаква рквпшыра гIадыршIыцуата йдырчIаджьуаштI, псауатла йгьи техника (ноутбук, проектор, экран, рымдза, датшагьи нхага) рзырхвгIуштI.
Ауи акIвымкIвагьи апхьартаква рпны жвлара проектлыхрала атшыбжьараква акIвшуштIта ауат ргIарбараквала ауаъа йлырхуа чкIвыныргIа ргIаджвыквцIараква йрыуата пщба гIалырхуаштI.
АгIаджвыквцIараква йрыцыркIуата адгалагIвчва апроектква хъйара ахъазла йатахъу зымгIва рхвгIуштI, адгалра уысквала йырцхърагIуштI, рбжьагажва рыларцIуштI.
