Лента событий ВААК
АААК апхьагIвчви арыпхьагIвчви диспансеризация йгIакIылсырныс йхвынхауата йрызцатI.
Адуней апсуа-абаза конгресс апхьагIвчви арыпхьагIвчви диспансеризация йгIакIылсырныс йхвынхауата йрызцатI. АцIайкви арыпхьагIвчви йгIарпшытI ПакIващ кыт 1-хауа аквтанай апхьарта апны.
Ща йдырхъвыхырныс йанрылырх амщтахь асабикви арыпхьагIвчви рща агIарбараква рымата знархараквала йапшым айъазагIвчва гIарпшытI: акардиолог Вартагава Есма амедахщчва Баркалая Илони Квициниа Хьыбли лыцта, аотоларинголог Базба Амина, аневролог Конджариа Саида, аофтальмолог Сангулиа Фатима, апедиатрква Голандзиа Алиси Еремян Карини, Апсны «Ареабилитологква радкIылара» йалу Агрба Арзадин.
АйъазагIвчва йырцхърагIун СогIвым амедицина колледж йгIвбахауа акурс апхьагIчва Коидзе Наала, Татулян Ангелина, Карчава Нана, Минджиа Амина. Ауат рхъвыхра йгIакIылсквуз ршвъаква таргIвуан.
АйъазагIвчва йызпшыз зымгIва ЭКГ рхъырхтI, рхъвыхра чIыда йазыбжаз ауи йызлагIакIылсуаш швъа рзыгIарыгIвтI. ЗымгIва шалу адиспансеризация 120-гIвы алан.
