Лента событий ВААК
Эгьзакь Мусса АААК агвып асквш ауацIа йшынхаз ауысла видеоконференция рыцакIвйыршатI
Адуней апсуа-абаза конгресс ауысхарта апны АААК ЙхIаракIу асовет аунашвачпагIв Эгьзакь Мусси а-Конгресс агвыпи рвидеоконференция акIвшатI. Айчважвара йалан АААК ЙхIаракIу асовет аппарат аунашвахъцIагIв Чвыджьба Абзагви хабарргарала аполитики абадырракви унашва рхъызцIауа Тарба Тенгьызи.
Анйара апны йтыцIуа асквш агIарбараква йрылачвжватI, асквш 2025 ахачIвква йрылапштI. Ахъвшараква рынхагIвчва уыста йырхаз йауацIыхта йгIаквчважватI, йдырхъйаз апроектква гIадырбатI. Айчважвара апны йащтагIайуа асквш агIан анхара йанархара хъадазлуш гIалыркIгIатI.
Эгьзакь Мусса агвып йырчпаз хвду аквицIатI, зымгIвагьи анхара йшазгIашыкъу, йшацIагылуа гIаликIгIатI. Айчважвара алйыргауата АААК аунашвачпагIв анхагIвчва мгIва йыквицIауата дрылабжьатI, йгIаталуа асквш агIан адахIвракви агIатгара шIыцкви шырзитахъу райхIвтI.
